MAY MUNEH (CERITA SANAK )

Induh mungapi,  semenjak nyak jak putungga ya di khang laya, mak dawah mak debingi selalu tebinta, kinjuk  pak lagu ya, tingonk nyak di nana waktu putakhup mata jama ya,  induh khepa tikujok badan ku sengetai, hiting ngingian, kinjuk pak puntungga sejak kudan...., hinggo ni hiting alukan injuk pak ya jak macul tegi khani, ...ani tian hal heno sek gelakni demon sa kudo...

Muli sikop, handak lipuk, lagak, pukimut muneh, tucak kok langgar, mawek, buntak jaoh, gemuk mawek,  khayang juga mawek, arhasil betik cindo rik padek tipenok kipak ya lagi mingkoh ya   api lagi tikibil, madak I do, anak ni camat goh memusangan asak putungga jama ya, uleh ni mati padek ni muli seno, induh sek khelakh ni  mekhanai  ilung khagah tuha mid sanak bilis ya kheno muneh kipak nyak ya,  ta wos awos, nahan hengas tantang  sepepenok an jma muli seno.  Bangik ngicik koni muli sinji tipadek jak luna maya, tisikop jak Sandra dewi,  lain seno gawoh, tingkah ni Allah mudepak, betik buyunni,  pandai nihan ngakuk hati ni ulun, mak pukayun mak muneh mu kungkong, ngehalu api sek aga tiguwaiko, jaoh muneh jak muli pukekui antaupun puketuk.  Lain seno gawoh, pernah nyak  mengan di lamban ni tian, di nana tian wat guwai budua cutik. Arhasil nyak ratong icakni jadi tukang butingkuk rik ngekos, padahal andeh ku kan nyin putungga muli lagak ji. Ampuuuun.., bangik ni basak anni muli sinji, kok wai temajak ni di hehumu ni kimut, api kek lagi ya nyani gulai, ..., gulai pekhos tiung  goh teras a injuk buak gabus tantang menok kimutni, injuk pak aga tihuang ya...


Gelakni  May muneh., anak muli ni pakwa Putetai, umpuni tamong Khalang, adek ni Si Pingol (kantikku )

Jak SMP may muneh di sekula ko pakwa putetai di pelimbang, khan ni keminan ni sek ngajong jama jelma balak di pelimbang, maklum tamong khalang no aslini jelma ngedok, angkah pakwa putetai anak anak ni sek mek jadi jelma, adek adek ni pakw putetai unyinni berantau mid dipa dipa rik umum ni berhasil, dan suksek jadi Selma penting dipa ipa, arhasil asak wat geguwaian  anak umpuni tamong khalang mulang mit khanau sekaligus pamer herta jak mubil mid di khantai mas  bebalak ko khantai ni kapal di ukhut tan

May Muneh , pesan pesan gawoh mulang mid khanau tantang libur sekula,  jak tahun mid tahun asak ya mulang mid khanau, angkak bebekok lomlamban, khalang nihan ku penok ya luakh lamban, jadi basani kek putungga May muneh ji bsani sek bubagian, kek ti gegohko mungkin gegoh jam a putungga LAILATUL Qodar lah lebeh kurang. Rik tantang ya luakh pesan pesan di bungusni jak cukut mid di ulu, angkah keliakaan pudak ni,  injuk pak makai terkung ya, kidang kipak kheno ya mek ngelebonko charisma dan aura kesikopan ni kipak ti penok jak ujung rumbun  ya.

Pagi hayu, khani maseh ngesesidap, kok imbun making mekhuh, kehekut manuk betik jakhang ni, nyak  adu nyeluaokh icak icak ni sa olah raga kidang pagi ga, halok pak maseh semawasya,  di langit mangkung ngedok tnda tandani aga pagi, wang wing goh sek kuliyak tuju induh  aga rik jak ipa ipa, madak I do lamon jelma mek sihat kek kujemanoh ko hampekh tiap 20 detik pesak budenjut tuju tang melintang jak ipa ipa, nunjuk ko alang lamon ni jelma sek saling dingki, saling syak, rik lamonni persaingan rik permusuhan, sek akhirni ngadu mid akhli sihir atau ahli tuju.......


Semawas pesan sinji  ceritani nyak aga mid dwai wai pawoh mandi pagi, maklum adu pikha khaniji nyak muhiyok, ani bak panas delom, nginom wai kekhungan, rik mandi pagi pagi, tetuh ko dada di pancokh kok mandi pagi, kheno ani bak, pepesan budikhus makai kekambangan juga kasi ,  arhasil mek tekhas nyak adu aga sampai di wai.., indu jak ipa ku tengis wat suakhi khekhiboh, injuk buntini jelma ngicik, mek terasa jerinjingan nyak,  sekaligus penasaran..., semakin ku tengis ko semakin panjak, ku tetiongko tambah hating, tambah balak khasa khabaiku, tibalak muneh khasa penasaranku,  ani hatiku... spa nihan sek maseh kelom cubolan adu khekhiboh dipeng kalan, laju lapahnyak tetaluhan injing injing indang kebunji, sunguk sungguk indang keharian, jak balik rumpun pekhing angkah 5 miteran jak pengkalan  wai pawoh kuliak wat ubor pekhing, .. rik kuliak wat jelma khua mandi....Allah hu.... Tikanjat injuk pak aga pingsan ya sekendua. Inji gelakhni khejeki semawas ani hatiku  kuliak khua bidadakhi lagi bebangik ni sesundai, sambil pekhwala lalang waya injuk pak pengkalan diwik ya...., kepalang tanggung ku khapotko badanku makhi tambah segok jama khumpun pekhing,....

Sesundai di  pancokhan wai pawoh  bidadakhi  khua, betik sikop sikopni, di hantara sinakh ni lampu ubor, makai pebasohan alom injuk pak kelupik ni bawang ya, di tambah sinakh ubor jak bukhi tambah keliakaan, halinu ni, neliuk liuk injuk batang buah kena angin, kemek aga ti ucak ko injukpa penari Striptis  ani tian,, , penginongku say mak bkheh may muneh..,tan hua mandi sambil khekhiboh induh ngicik ko api,  ....saking asik ni tan khua mandi rik penyana ni tan khua makung ngedok sek aga duwai kek maseh semawas balakji.  Maka dengan cuek ni tan khua mandi sesekali bugukhau setetakhek an  pebasohan..., , adu mek musaka muneh jak seno tan mek munyelok nyelok mataku ngejemanohko, tan khua mandi. ......mata ku injuk aga tecul tantang ko may Muneh mek sengaja  ti kacai anduk ni waktu ngeganti pebasohan.., ternyata tambah bangik menok ni may muneh  ji kek lagi gegelokhan.., mendadak mukeseh pesan badanku.. jak ulu mid di cukut. Walaupun angkah beberapa detik.. kidang menok may muneh gegelokhan adalah suatu yang sangat langka. Kok menoh buok ni jangang .. basani bubagian sekendua menok ya gegelokhan.  Mak kuhariko ... ti kujok ...

" hui !!!..api guwai mu !!!" suara hatang ratong jak bukhi ku

"tekanjat nyak kok kutak ni sabun ku tikacai...

Bang kek Pakwa Putetai  di bukhi ku... !!!!, Tumpak lumpat cengkelang kurang tanoh nyak ilung pulan arah teba..., tumpak ukhung nyak mandi.., mulang mek bususun susun, kutok ko kawaiku ketu keinongan jama  pakwa putetai,..

MUjokh  sesidopni  semawas no nyaniko Pakwa Putetai mek nginongnyak...,


Tanno Pakwa Putetai sa jadi mentuhaku.., Bidadakhini tanno jadi inggomku....., gok pagi  ji mek ngedok sek pandai khesio senno, kecuali nyak rik Tuhan,  Injuk Aga kuceritako pengalaman tumbai no jama Inggom Ku May Muneh.. kidang Api gunani.., tagan khesio seno jadi penghiburku kok tantang  menok  inggomku  .., tagan ko jadi swa ku ngimut  kok ngupi sambil ngejemanohko ya nunjong,...,

Kutarek piyu ku, ... kucium sambil ngimut may Muneh lelok nihan pedom di layang ku mek sekwai  maseh injuk  7 tahun sekhadu, mek sia sia nyak buguru dipa ipa makhi Anak muli ni PAkwa Putetaiji  ngeringkuk di lom piyu ku.....