RANAU: NYANSAT

PAK EMPULUH TAHUN LEBEH SEK KHADU

Ti laherko sebagi anak yatim, jak lunik, mek do mubangik, menok sanak barek bugurau jama bak ni, menok sanak bareh injak an jemahatan jam bak ni, tantang musim kalangan jama bak ni, sai sek paling ku syak ko jama sanak bakheh, tantang mulang jak wai..., menok sanak bakheh di cakak ko bak ni di galahni, ditunggang bakni.. pecoh rasani hati ku menokni. Kubandingko jama nyak ku...

Bak ku mek lagi ani mak nyak maseh lom kekopan, induh uleh api, mek mekhuyuh tikujok heheding sakik tenai, laju mek lagi, lamban sekam skebelahan jam alak ku, mujokh nihan basa ni bubagian nyak wat alak sek betik kahutni jama nyak.

Nyak laher 40 tahun sekhadu, di campang pekon lom.., rumpok nyebutni gedung tuha.., senangun kek ceritani alak ku, tumbai jebi jelma gedung pekoni di camping., sememanjang atakh gedung isampai talang ya dodo pekoni jelma gedung,., jak kukukuan balak mak ku ingoko (tahunni) lamon lamban sek khubuh, lamon muneh jelma dipa ipa mati wat sek mati tigecit, lamon muneh sek mati kena langgom lamban., sampai tanno di campang maseh wat pikha ngebutekh lamban lamban tuha, sek ku ingok ko lamban sek paling bukesan ya dodo lamban ni WO JANNAH , ngapi bang paling bukesan, uleh ni nyak yakin lak ku mek bebuhungan, bahwa tumabi jak kukukan balak, ku jemanohko lamban tuha ni wo Jannah tan tumbai akhi ni kayu bulan kidang tisilang pedomko sehingga pak kukuan khepaya kedok ni mek kek lamban no aga ti hambul, menok jak model akhini, senno sek nyani ko nyak pekhcaya bahwa tumbai jak kukuan balak, rik ni muneh kek keti laju cutik jak campang ilung arah atakh gedugn, wat penghantuan tuha sekam gedung nge gelakhini PULAU, di kebalah ni pulau no wat kebun kahwa di lom kebun kahwa no keliakan bahwa tumbai ni rang senno jak pekon baling, maseh wat sikhing-sinkhing hantakhani lamban, rang rang jelma tumbai ngaleh ko wai, makhi mudah. Kek keti bubagian LAIN pesan mendua kHUMPOK MANS BARANG ANTIK SAPA PANDAI keti JUGA daco NGEHALU sisa sia induh keramik, gukhi, bahkan mungkin barang emas , rik sek bakheni asak keti aga ngekokh ngekokh larin lom kebun no. ngapi bang nyak pandai kemeno ?

Tumbai nyak jak sok upahan ngunduh di kebun ni TAmong limi gedung, sambil ngerupu kawa sa alak ku mek tanhu tanhu bucekhita, sampai nyak hapal nihan kisoh kisoh atau cerita cerita jelma khanau, khusuni asal usul jelma gedung.

Di ahntakah alak ku bucekhita pepesan muneh nyak ngeluleh "

" mungapi bang jelma gedung mileh gedung baru tanno khang maleh , padahal lamon khang khang sek bakheh, " aku

" perhitungan ni jelma tumbai kek kukuan luot, andai wai khanau di tumpok atau gunung seminung melentus, kemungkinan mek samapi di pekon gedung tanno, semulani jelma tumabi butegak di gedung nbaru tanno " ani alak

"senangunni tumbai pekon gedung baru di api lak " luleh ku

" tumbai pekon dija, di campang sampai ninggam wai khanau di, nah kidang ke uma di gedung baru taano, semulani kham kek ilung gedung, pandang khatu, merbakaal di nyawa koni duma.., kidang ke ilung campang ji nyawakoni mulang.. " jelas ni alak ku .. pukok ni alak kuno mu tetoh nihan kekbucekkhita, khik keliak anni kahut nihan ya jama nya., maklum mungkin injak lamon kesian ni jak kahut ni kidang tagan do setantuni ya jadi pengganti bak ku jak nyak ampai bekeh,.,

Kulaju ko muneh jak isan.. uloh ulohan di kisahko jeno>

Umokh ku 10 tahun, kajong ku mek lagi, making haknya ngereti nihan.., sek paling nyak ngerasa hancokh hati, saat nyak aga injakan sekula smp kelas khua, alak bebai ku ngekiau menkhu mekhu ,.. ngilu tulung ,induh khepa ceritani,.. pak balakku mek lagi..., tilesoh nyak, nakhis ti hejong.., jelma sek selama inji jadi panutan ku, kakng kang ku ngadu, bucerita , ngilu duit. Injakan mit surge.., mek ngedok sedacok kuguiko selain mekhu mekhu miwang ti alak alak.., induh khepa lajuni sekula ku, mani selam sinji sek ngebiaya ini sekula ku alak no do.

ENOM BULAN JAK SENO

Kek ceritani alak bebai kebetulan lamban sekam sekebelahan ,mak ku mulang jak wai sakik ulu, laju buhuwot pedom..., waktu di nana khani aga terai, alak maseh nunjong , di lamban ni pnyana ni alak mak adu sihat, uleh khani adu mulai ngedecap tekhai , alak ngekekiau ke angkitan kenenkhang.., adu sepelejoan alak ngekikiau mek juga ngedok sek nimbal, laju alak diewik ngangkit ni di usung ni mit lamban.., tekanjat ni lakku di halu ni mak adu tisekhkepak di lempunggak , pas di tagu alak labat ni mak adu mek nimbal lagi, kheno cerita ni alakku.., waktu senno nyak lagi ngawil, semnjak alak mek lagi temon nihan pekhkikhaku nyak takhu sekula, pak ampai kelas khua smp. Nyak ikhlas.., nyak pandai kesulitan ni alak rik mak, kebun mawek sabah jawoh, api bakai ngelajuko sekulaku, uleh nyak nyadakh diri nyak laju nyepok nyepok alas an makhi takhu sekula, mulak ni alak rik mak mek ngeni, kidang uleh ni nyak ngeras akhir ni di pejah ko tan khua, buntak cerita nyak tkhu sekula kelas khua SMP Bah petakh ...

Ngealjuko ni muneh jak senno, semenjak nyak jadi hakhuk, paling khiso ti sok upahan upahan dipa ipa , setan tuni asak halal api ya goh aga guwai heno salah satu nasehat ni alak bakas ku almarhum di nana sekawa lagi ngejala iwa di panggal.

Api ya goh sek di kayun ko ulun kugawi ko semanjang mawek jadi dusa, nyakak kelapa, ngunduh, nyecakh, samapi nguyu ko hatok ku ladini, setanntu ni asak sekawa alak bebai ku dapok mengan. Mek pesan mendua nyak risok tisenoh kek menok kanti kantik sek sekula dipa ipa, jak karang, jak pelimbang, bah ko wat sek sekula di Jakarta., tantang tian mulang lamon nihan hayalku kapan nyak dacok injuk tian dacok , keliak aani tilah nihan, pesan medua kek kok sekam ngupul tian bucerita lamon nihan, nyak aga ti angut injuk sapi nyangi, nyak ngerasa induh kapan nyak dacok injuk tian midok, sekula dipa ipa,

Uleh khsok nengis tian nyeritako Jakarta, pelimbang, karang, induh jak ipa ratong ni angon ku, tikujok nyak bupukat aga injuk tian, kidang induh kapan.......

Kanai buganti minngu, minggu buganti bulan, samapi halok setahunlebeh khenodo guwaiku upahan apiya goh, rik dipa ya goh. Hasil ku upahan selalu kubagi, menengah kujuk ko di alak, sisani kupakai rik ku isiko di cilengan pekhing pulan, angon ku kek duit ku adu cukup nyak aga nyepoi udo Milyan anak ni alak .

(unyinni anak ni alak pak, kidang 3 sek mek aga, udo Milyan anak ni alak sek tuha induh lijung mid dipa ., semula jak tammat SMA PAncasila banding. Ani alak ya ancuh ancuhan mak kesiwan gok pagi ji., kutetengis ani tian wat sejak butungga di Jakarta, di sekitar glodok, wat muneh sek nyawakoni butunga di blok M)

SETAHUN JAK SENNO

Khani sabtu debingi , alak mit nayuh di merbakal, di lamban nyak pesaian , ku bungkakh cilengan ku, sek jak penkhing pulan , ku itung itung duit ni wat 24.000. induh kesukhungan jak ipa, ku bulat ko tekadku nyak aga nyepok I udo Milyan,.. debingi senno do nyak bukhingkos, semaws balak nyak injkaan, ku tulis sukhat tangguh ku jama alak nyak nyepok mi udo, rik ya dag watekh, kupik ko di penjulangan . ku kunci lamban kupik ko kunci di sinto bah lamban, makhi mek ngedok sek pandai nyak lapah cukut khan kudan, kutetai pemelang kipak maseh kelom cubolan ya, sangu kayu penetakh imbokh sai tujuanku, nyembekhang mid jepakha, nutuk ko khiding panggal gedung, tilaju mid wai sebuyuk cak mid teba, luakh di pekon jepakha., ...

Inujukni jam nom pagi, kira kira, nyak adu di mejong di got ni wai ukhai, nunggu mubil trek kahwa sek aga mid karang, halok ampai kok nyak ti huwot, cukut, wat mubil trek liyu, kukelap ko culukko,

..., " Ngapi d

..." mit karang " aku muneh

.." dacok nutuk mek.." Ija " ani kenek ni sa sambil ya tukhun ngebuka ko gah "

.." aga dipa ?": 10pt; frangok,

.." budepal betik hanjak ni nyak cakak , mejong di hantarani super khik kenek..,

Sekam laju.....

Mek lamon ga kicik ...Halok uleh kelesuan campokh musah, tikujok nyak tikanyam, minjak minjak di gurah kenek ni mengan dekhani, ....., jak mengan dekhani amapi injuk kejiwaan..medak ko mata...

.." aga dipa niku ".. ani super ni.. kek superni nyak mek nginong, kidang kek kenek ni pemandai anku jelma ugan wai timah...

.." mid Jakarta" aku

.." api guwai ? "

.." nyepok I udo.."

.. pandai niku alamtni ? "..

.." pandai "..aku bebuhungan

"ooo..."...ani muneh sambil mikhot mikhot ko seterni..,

Buntak cerita., nyak samapi di karang, mubil singgah di tuke., induh uleh kesian atau api.., super sek baik no jenno nitip ko nyak di mubil gudup kantik ni sek aga mid Jakarta..,

Di Jakarta, mubil takhu semawas muneh, mubil ngurangi muatan di pasakh betik balak, di redik lampai kiang, pasakh ni bu imbau nihan.., induh api gelakni pasakh senno...

jak isan nyak nagguh jama superni ..

...." Panggah makaseh ya.., adu ngeni tumpangan ,jak ija nyak adu mekhedik "aku

..." yu.. yuu.., ati ati.., " ani muneh.. kusalami ya, di di celuk koni culuk ni di pakit ni , kuliak ngeluakho duit ujau..,

.." ajo bakai mu meli ES " ani sambil ngebekom culuk ku..

.. " ikin go pangah " kau..,

.." tagan sesejakh bakai unkos mu" ani .. laju ku tekhima,

Luakh jak pasakh, mak kesiwan din yak mingak minguk injuk uncak kuruk pekon, ku tutuko gawoh cukut ku nglangkah, mak kesiwan arah rik ilung,..., tihuwot nyak di pepanca sek wat hatok khang khang adu mukhamik lamon mubil was wis goh teliyu, induh aga mid dipa ipa..., mek keretian ga dinyak, tian cawa cepat cepat nihan...kecik angon nyak mikekh ko ilungku, wat khasa lemoh ku khabai ketu tiayap, kidang adu ku pukat ko , nyak mesti butungga Udo Milyan, sek terakhir ani tian wat sek jak butungga di blok m, induh dipa khang khang ni dunia senno..,

Bang subuh adu ngekekiau, ani hatiku.. " kek di pekon adu ngerekut manok ajo"....khani adu ngesesidap, , ku sepok I jak ipa khatong ni bang ,nutuk ko khumpok sek kuliak businjang, sampai lah nyak di masjid , ..begitu sampai nyepok nyak rang penyulu, ku basuh pudak ku tetaluhan.. sampai kerasa nihan ngison niwai injuk aga ti kuruk dilom bawak, .., icak icak ngekekibokh ku inom pikha ngehirup wai matah ,, amapi nyak ngakuk penyulu.. tisok sek ramik sembahyang subuh...

Bubar nyak subuh mak , nyak tinggal nugok, mak kesiwan aga ilung ipa, ampai kuhakhiko, pelandungan ku ngisi bekakha bukhak mek kuhalu, ku ingo ingok injuk ni lupa ku ngiwak koni jak bah pepanca khang khang ku buhuwot jenno, laju beranggut nyak muloh cengkelang rerenikan ...........

Alahamdulillah..., pelandungan ku maseh , halok mek ngedok sek nyinta ngakuk ni, atu mungkin juga uleh maseh ngesesidop jadi mek di hakhi ko rumpok, pelandungan ku makai asoy alom, tantu penyana ni khumpok pengetokan jak pasakh.

Mek mujawoh jak khanng ku mejong Injuk kutengis pesan pesan wat sek ngayung ngayung BLEM BLEM di bumil ujau, .. api aku cawa ni kenek di ?...ku tengis ko luwot BLOKEM..BLOKEM..BLOKEM.BLEM..BLEM..., ani..sa.. maseh ngayung ngayung,.... Tikanjatnya ti ingok di khan ni Udo Milyan.., BLOK M, kidang ngapi bang kenek dia nyawa koni BLEM BLEM ?.., nurut ko napsu penasaran ku, kuredik I mubil ni.., hadap ni di hantara ni lampu sesidap kobaca wat tulisan. " KP. Rambutan-blok M,.., mek ku pepenah lagi tumpak cakaknyak mkebetulan maseh kusong, tumpak kuhantok ko bumbong ku di jok paling hadap di kebelah ni super, ani hatiku " ya.. kenek niji maseh caw upi khetini, kok nyawako BLOK-M jadi BLOKEM BLEM.." sambil nyak ngimut ngimut. ..mek mesak jak seno mubil injkaan.., ....

Di hantara ni kedugok, wat sek ngejumil, jumil, laying ku, .., ku rilong bang kek kenek ni sek mek meralis cawa jeno, ongkos anis a sambil ngememainko ricehan di culuk ni,.., lupa ku..kugapa pakit ku wat duit jak pangagh superni mubil gudup jeno, kuliak lima ratus ujau gambakh gambakh bekhuk di sapu, ku keniko, di uloh koni riceh lamon nihan mek ketetohan nyak ngitung ni tumpak kupakitko......

Sekeniannan nyak nyepok I Udo Milyan, kusepok makai mata, nyak mek kawa ngeluleh.., harapan ku pudak ni Udo maseh injuk puto sek dui pakit ku. Kekalu dacok ku i nginong., udo injakan lijung san yak maseh upi alus, dipa hak ni ya aga nginong nyak.., tikujok debingi.., ..., induhnyak aga pedom dipa mek pandai.., ...

Laju nyak ngetetengis ko bang, adu jak luhokh jenno rik asakh nyak mek sembahyang,..., ani hati kun yak aga minok di masjid goh paling mawek mek ketekhai an rik mukecah, elain heno setantuni aman.., mek musaka jak senno bang ketingisan kusepok I khan khang ni.., di bukhini tuko balak, sek wat tulisan GOLDEN TRULY.., labat ni wat mesjid.., laju nyak numpang imul sambil seklain ngakuk penyulu asa sembahyang pai lepas magrib ampai tikhasa din yak terakhir tenai ku ti isi jak 1o jeno pagi, laju luakh nyak jak mesjid, kebetulan di hadapni wat rumpok bujualn kanikan, laju megan pai.., lepas mengan khatong isa , lepas isangebantalko plastic asoy ngisi bekakha ku nyak adu tikanyap di kebelah nigeduk di dilom ni masjid..hak luakh... nyak di tengah pasakh asa hak wat bakas balak lunjokh mek bukawai, badan ni latap gambakh rik induh induh tulisan ni , bakas balak langgarno ku liak enjajak jajak ko belati jama nyak, sambil misuh misuh induh api sek di cawa koni, nyak cengkelang lijung sambil ngayung ngayung.. .....................................ti kujok nyak adu mejong sambil maseh hehengap, hiting alukan kerabaian, ....... khupani nyak hanipi, mek musaka nyak seno waktu subuh ratong......

SEBULAN JAK SENNO

.." Hayya lassolaaaaaahhhhhh"

.." Hayyalassolaaaaaaaaaaaaaaahhhhhhh"

.." Hayyalalpalaaaaaaaaaaaaaaaa

.." ayya lalpalaaaaaaaaaaaaaa...aaaah "

.."Allaaaaaaaahhhuakbar, Allaaaaaaaahh huakbar"

..Laaaaaaaailaaaaaaaahailalaaaaaaaaaaahhhh!!!"

Bukhanggutnya ngaku penyulu, tiap khani mek pekhnah nyak lupa sembahyang, sai ni muneh khangku numpaan jelma sunda sek selain khajin nulung ulun, khajin muneh sembahyang, tantang khatong subuh selalu sek hennani nyak di khukhahni..., khenno muneh inggomni, bebai liwa, batu bekhak , betik muneh buyun khik bujemanohan jama sapa ya goh, kipak jama nyak sek mek sama sekali di kenalni, anak lain, puakhi jaoh,.., kidang sek kukhasako, injuk pak jama mak bak diwik,

Gelakni pak Nana umokh ni dinana palin ghibat ampai 42 tahun halok ya kemak kurang, atau pak lebeh ya mak lebeh jak 45 tahunan, bukhawi di PERURI bukhi ni masjid nodo, bebai ni jelma batu bekhak liwa, tan khua wat anak sai sepantakh jamanya gelakhni Kurniawan, sekula di Al azhar mek jawoh ga jak lamban ni tianno, kidang kipak mak jawoh gaya, selalu mak dinggok ni kek lapah cukut, acak ani di antak ko super ni bak ni, sumang kek jak nyak, ku ingokko waktu nyak sekula di bah petakh tumbai, jak pekon lom lapah cukut, dulini kipak tekhai ya, ngeleman kek panas khani, senangun adu biasa goh, bupeluh nahan mahu.

Mualak mulak ni nyak butungga jama pak Nana, ulehni asak subuh ya selalu mena khatong mid mesjid , selalu muneh nyak di haluni pedom di khedik geduk, halok uleh ni ya kesian, menoknya ngerikuk makai sinjang ujau di khedik geduk, ngehanggolya kek tantang aga nabuhni, jadi selalu nyak di gurahni asak ya khatong subuh..,induh khepa pikni muneh adu khani ke 28 nyak minokan di mesjid, kuraako mu bangik muneh , mandi wai lamon, nginom, tinggal naku ko culuk di kran, angkah mengan nyak sek ngebayakh, selam hampekh sebulan sa ku itung itung duit ko adu lamon juga meluang, senangun angkah cutek di tambah muneh bakai ku mengan,kipak kadang kadang pesan kebian, tantang mahu ku hirup hiurp wai jak kran ni masjid senemon, mahki metong, tagan kipak wai matahya.., uleh adu tibiasa tenai ku mawek mukhikhi kipak senemon ya.... selama sinji, kipak mengan angkah bayakh lima ratusnya, sumang muneh khisok nyak kesian menok bebai tuha di banguk ni terminal blok mdi, naku naku kocumbung, tingoknya di alak ku, khepado ya semenjak kutinggalko., ..,tekadang pikhek rik angon ku injuk ngeras budusa nihan , ninggal ko alak pesaian nunggu lamban, kek sapu sekam tanno, semenjak mak mek lagi , mak pekhnah ti andan , mani ani nyak di kayun ko alak ngerik I ya.......

Asak ku penok bebai tuha naku ko cumbung, bukawai sakhat, mawek muneh buselop, uluni di bungus ni makai kambon kambang kambang, keno muneh sinjangni, keliakani adu rekhak dipa ipa latap, tampalan rik rakaan ani culuk, jadi asak nyak mengan santokh nya tingok di bebai tuha jenno, laju khisok ku sekgkurung ko muneh ya, ..

" Allhamdulilah...maksih naaak, semoga gusti Allah melipat gandakan rejekinya ya......." Selalu heno sek diucak koni asak ya kukeni mi hikhang hatiku menok kimutni bebai tuha jeno.. kipak kimut kemiyu ipon ni kunjekh kunjekhya...., injuk ni tilah nihan asak jak bukekenian jama bebai tuha sedi, ani hatiku, mak ngeruruhi duit ku tambah saka tambah cutek,

Uloh ulohan di pak nana jeno, pagi say ya, khadu lebakh khumpok jak sembahyang subuh, pak nana maseh di lom mesjid kuliak jak luakh ya injuk nungod halok bezikir kiku, khani maseh pagi ga, kedugokku adu bela laju nyak dedulekh luot ni khedik geduk, adu khua empuluh walu khani angkah nyak pesaian sek nunggu mesjid senno, duwing duwing bagas injuk pak aga mecoh ko uluya mek kuras lagi, halok uleh adu kebol, mek munehnyak ngersa ngison, asak kusutuk ko badan ku dikhedik gedug tumpak aga tikanya kanyap no do. Kidang mawek pagi ji, ...mula ni laju nyak mejong mejong gawoh sambil nungu pagi.. padahal kipak pagi ya induh api aga guwaiku, niatkunyepok I Udo Milayn adu mek sebalak waktu nyak di pekon, pak khani ku kudok kudok blokm, jak uncuk mid uncuk, mek putungga juga jama Udo, khepa pik ni aga butungga, kok nyak pandai nginong ya taano, mawek, ngandeh ko ngingok ko putoni Udo Mil waktu rik kantik kantikni di SMA pancasila, tantu tanno adu lamon khubah ni, mani paling mawek itunganku, ya minggat jak khanau ani alak umokhku ampai pitu tahun, tanano umokh ku 16 tahu, jadi paling mawek adu 8 tahun Udo Mil ji lebon mak ngedok kabakh, kek matipun induh dipa Kubokhni...henno sek jadi nyak ngelemohko niatku untuk ngelajuko nyepoki Udo Mil........, injuk ni adupai goh, duitku tinggal cutek,

" acak nyak nyepok upahan goh " ani hatiku, kidang aga upahan dipa, sekula mawek, mek muneh ngedok kepacaan sek bakheh selain gerupu kahwa, ngurit, netak pemelang, nyakak kelapa, rik nyecakh.., dipa hak wat guwai senno di pasakh blok m ji..,

....."induh kidah, , Ya Allah.. aga khepa lajuni sanak hakhukji, bu puakhi mawek, buhakhta mawek, ngetok ko badan di dunia ni ulunji...., ya Allah.. juk do keajaiban keajaiba dilom Kahntau kuji, Kuat kodo Imanku khik pikekhan ku , dang sampai nyak buntka akal aga buguai sek emek kebenokhan...api lagi kek aga numborko badan ni mubil.....,Ya Allah.., Mek meleju melju niku ngeninyak cubaan jak lom kekpoan samapi tanno ...., induh sampai kapan hukhek ku injuk kheji, kipak inji sangun salah ku diwik ya Allah, kidak juk dok kemudahan kemudahan dilom khantau kuji, " biasani tantang budua senno khisok tikeluh cutek kodo nyak jak godaan sitan ya allah ngedngus muneh ikhung ku nahan miwang..,

"Robbighfirli waliwalidayya warhamhuma kama robbayani shoghira." Kulajuko..

".Robana Atina Robbana atina fiddunya hasanah, wafil akhiroti hasanah , waqina ‘adzabannar"..

kek adu kheno biasani nyak minjak busap.., sai ni muneh angkah senno dua sek nyak pandai..., kulang ulang asak jak sembahyang, kek seandai ni Allh di pandai menyelok.., halok pak ya adu menguakhya nengis duaku sek mek berubah rubah. Rik mek lupa ..Asak jak sembahyang selalu nyak budua jama tuhan, kekalau dapok putungga jama Udo Mil, kidang mak kung juga ngedok ulehni.. injuk ni nyak hakhus sabakh nunggu gilekhan dua ku sampai....

Mek musaka pak nana luakh jak mesjid dipati koni lampu lampuni, mani sabbok lagi ngesesidap khatong bakhong pagi,..,di kebok koni khangok ni mesjid, induh makhi api, .. padahal manuk mengedok, kambing juga mawek.., jadi meknyinni di kuruk I binatang ya mesjid no kipak mek tikebokya, atau juga ya curiga " jamanyak ani hati ku .. pas nyak kecik angon .. ya hak ngeliak ilung nyak, di pasatini nyak injuk pak masati buduk kena hamaya.., nyak laju ngerilong ilung sek bakheh..,

" Darimana dek ..?" tikujok pak nana ngeluleh ...

" Dari sumatera pak" aku..,

" saya liat udah 4 hari adek disini , mau kemana emangnya ?"

"nyariin kakak pak " aku

" alamtnya dimana ?"

" idak katik pak" tekeluncapnyak bahasa pelimbang...

"apa..?" ani injuk ni ya mek ngereti

"enggak tau pak, alamtnya dimana" aku, injuk pak laporan ya

"oooo.., adek kek Jakarta sma siap " ani muneh

"sendiri pak " aku

Kuliak ya masatinyak luot, hal;ok diliakni jak bekaha samapi badan keliakan nihan jelam umani...

"eee ...." Kuliak ya nugok...."ya udah, kamu ikut saya aja, rumah saya di belakang masjid " ani

"oya saya biasa di panggil ornag orang di sini Pak nana " ani sambil ya judokh ko culuk

"kusambut culuk ni, kusalami makai culuk khua, injuk pak bukaya kucium culukni kipak ya lain alak ya

" saya Alamsyahpak" aku muneh...

Induh sapa sek nyukhung ni tikujok nyak adu cecok nguntai ko asoy ku.. nutuk ya jak bukhi

Lamaban di bukhi ni mesjid, mek hak healu ga, kidak padek nihan bentukni, sikop muneh cetni, sek tanntuni keliakan nihan jelma batinni, kutani jak besi ti anyam injuk buok, khangok ni kheno muneh coklat terang injuk pak dacok ti kanik ya.., ..ngibui di bukhini mek lamon ga cawa,nyak,.. kidang asak ya ngeluleh selu kujawab buntk buntak, khabi nyak ketu salh cawa.., samapi di lamban ni di kayu koni nyak mejong, mek kawa nya mejong di atsas kersi ni tian, betik gilapni rik injuk khabi nyak ketu mukmak ulehku.., laju nyak cecok gawoh injuk upacara, mek kesiwan api aga tingkah ku..pak nana mid lampung tengah......

Mek musaka jak seno pak nana luakh jak lampung tengah, di bukhini wat bebai makai jilbab, "tantu inggomni" ani hatiku

" lam kenalin ini istri saya, " ani pak nana

Di sudokh koni culuk ni ‘ kusalami injuk nyalami pak nana jeno.

"Ayo sini duduk" ani inggom ni, pak nana

"ya bu ".. laju nyak mejong di kersi gabus ni tian.., injuk pak Kasokh agung ya bangik ni mejong di keri nitian ji...

"Alam ..asalnya dari mana" ani inggomni..,

"Dari sumatera bu" aku

"sumateranya dimana ?"

"Sumatera selatan " buntak buntak nihan jawabku...

"oooo, kampong nya pa namanya"

"Ranau bu" aku dilom hatiku kekalau ya pandai gelakhni ranau ji

"RANAU????, jadi niku jelama khanau "

Tikanjatnya mungapi bang bun an ji pandai basa khanu ? ani hatiku

"iya mangah.. "aku ti keluncap basa khanau

" Khanau mu dipa ?, lamon puakhi ku ngajong di khanau no " ani

Injuk sekenaan laju nyak kwawamuneh ngeluleh

"jak gedung tuha mangah, kek mangah jak ipa ? " aku mek ragu ragu lagi basa khanau

"yaaaa.. keknyak jak Liwa pandai niku ?‘ gelakhku Anisa, lamban sekam sebenokh ni di batu bekhak ", seumokh ku hukhek enom tahun ,pak pesan ya jak making ngedok mid liwa api lagi batu bekhak.., kutengis tengis , sepemandaian ku wat jelam merbakal di sek tinggal di batu bekhakno.., ani tian liwa sa betik redikni jak wakhkuk, bah ko lamon juga khumpok sek kalangan mit liwa no, kesimpulan ni mek jawoh ga retini jak khanuau...indang muliom nyak cungok cungok goh...........

Kuliak kimutni pak nana menok sekawa mangah nisa ngicik . injuk ni ya mek muneh ngereti mani kuliak ya injuk mingak minguk juga

"oooo emangnya satu daerah ya ma ? ani pak nana

"iya pa.., ranau itu yang tempat kita main waktu pulang kampong dulu, yang ada danau itu' ani inggomni ngejelasko jama pak nana

"yaa..ya.....," ani pak nana keliak ani di ingok koni khupani tian kek mulan gmit liwa khisok midokh ilung wai kkhanau, bubabakh mangah bucerita betik kejung ni macom macom sek di cerita koni jak mulakni ya sekula nutuk kemaman ni di jakrta samapi ya ngajong...,

Mek tikhasa adu jam enom setengah, kuliak wat mekahani pantakahnku liu ilung lempunggak..,

"siapa mah " ani mekhanai tanggung sa.., sambil ya liu injuk aga injuk mawek ngerilong nyak

"wan..wan.. sini" ani manggah sa, laju ya khatong ngeredik.

"Kenalkan ini saudara mamah dari kampong " tikanjatnyak nengis cawa ni manggah sa, kok se inongan mawek, jawoh ke aga muakhi, kidang ya cawa jama mekhani inji ani nyak puakhini..

"Kurniawan " ani, kucak ko muneh gelakhku

"Alamsyah" ...

Khupani anak ni manggah nisa rik pak nana no angkah sai, bakas , Smp kelas tigo, ketini sepantakh jama nyak,........

" niku adu tammat sekula api ?" ani manggah nisa

"ampai kelas duo SMP takhu "aku

"Ngapi bang takhu ?"

"Mek ngedok duit, "..ya ngehema sabbok, induh api sek di angon koni,

" Api lapahmu ilung Jakarta ji"

"Nyepok I Udo," aku

Lelenyukan ngicik jama manggah sa, laju nyak bucerita, kisoh ni keluarga ku di pekon, sampai nyak ngebulat ko tekad ayap ayapan mid jakarta.. ...,lain hak uleh makhi tian kesian, kidang uleh ni mangah ngeluleh injuk pak intel ya, kuliak injuk kesian nihan pudak ni mangah sa ngejemanoh ko nyak bucerita..mek teras adu kucerita ko unyin mengenai keluaga ku jama ya....

Jak kahni seno nyak numpaan di khan ni mangah nisa ta, kukhasa ko kipak nyak lain hak puakhi ni ya kidang keluarga ni mangah nisa sa ngangkon niha..., telu bulan nyak numpaak an di san, nyak di daptarko pak nana di SMP 3 Tirtayasa blok m, mek jawoh ga jak lamban nitan, kidang mek dacok ngelajuko langsung kelas duo, nyak ulang luot jak kelas satu, mak ciga ni.., sek tantuni nyak mek takhu takhu besukur jama tuhan , kemek kehendak ni adu mustahil nyak dacok putungga jelma sai bangsa di jakartaji, dipa jelma ni ngangkon nihan, rik betik baik ni,"semoga Allah ngebalos Kebaikan ni mangah tan ji " selalu senno sek di kayung kayung ko hatiku asak nyak ngingokko kebaikan ni keluarga nitian

Iwan anak ni geluk nihan mukantik jama nyak, mungkin uleh ni sepantakh, khisok muneh kok , khani minggu sekawa mid langui di sebekhan lamban ni tian mek jawoh ga, di kolam renang bulungan .mulak ni iwan mek pekhcaya nyak pandai lagui, kidang semenjak ya menok ku langui balik, selom selunsokh, langui kipas, samapi langui iwa..laju ya ketagehan ngilu ti lajakhi, ....nakgis bidang minngu sekawa langui, induh pikha bayakhni sek tantuni nyak kuruk kuruk gawoh .... Kekadang juga sekawa iwan ancuh ancuhan mid dipa ipa midokh mek ngedok tujuan, khisok muneh nyak di ukhau tian mid aldiron , ngebeli kawai celana rik sek bakheh bakheh ni, teras nihan mangah tan khua pak nana mek nyumang nyumangko nyak rik iwan, api sek di kanik iwan, gegoh jam sek ku kanik, kheno muneh api sek di pakai iwan., ...,risoknyak kecik angon, sambil besukru jama Allah, khisok muneh nyak ngimut ngimut pesaian tantang ngingok ko jalan nasibku, jak tukang upahan nyecakh, samapi tanno nyak dacok ngelaju ko sekula, wat kamar diwik khang pedom ngenyet injuk kasokh di kebayan, nonton tv sehehaga, kheno muneh kanian khik bekara, kek uleh ni duit injuk ni jak mek buguna ga, unyin ni kepekhkluan ku adu di beliko mangah rik pak nana, bidang nyak injaan sekula, di keni mduit 200, kidang mek pernah ku belanjako, selalu kupik ko dibah kasokh, ................tekhasa cepat nihan bubaleh hukhek ku, induh sampai kapan nyak ngerasa ko jadi jelma batin sek mutilah ji...Sesekali ti pikekh din yak niat ku injakan jak khanau sa, kidang induh aga mulai jak ipa nyepok I Udo Milyan,.. di lom hatiku wat kanah waktuni putungga jama udo " Kheno keyakinan dilom hatiku.............

9 TAHUN 6 BULAN JAK SENNO

Luh ku adu bela khasani, minwang nyak adu mek kejiwaan lagi, bu khani bu bingi nyak injak khisok ni nugok kicik angon, adu seminggu nyak izin bugawi, mulang jak kuningan nyak injuk khingub, bukhani jak ti pasakhko mangah tan khua pak nana di penghatuan tanoh kusir mek ngedok guwai ku bkheh , selain khajin khajin budua kok selepas jak sembahyang, khisok pak tikanyap nyak di peujudan, induh adu pikha empluh kali yasin kutammat ko, lamon khinci ni dua ku kilu jama tuhan, makhi mangah Anisa tan khua Pak Nana di tkhima amal ibadahni, tijaoh jak siksa kubur, khik duaku kekalau sekam dapok putungga di surge di nana, bakhong mak bak, alak alak, .., mek terasa jemoh nyak harus adu bugawi seminggu cuti ku adu bela, sebenokhni cuti inji mendadak nihan kidang aga tikhepako gelakhni kecadangan...

Semawas jam 2 an,   miah nyak uleh nengis bunyini telepon , ani hatiku sapa sek nelepon semawas balakji, laju minjak nyak jak khang pedom, mid lmapunggak, ku iwako gagang ni telepon>

"hallo.., malam pak, apa benar ini kediaman keluarga pak nana" sura jak lom telon biak nihan rik mek dacok ku inong

"ya , benar , ada apa pak ?"

" mohon maaf mengganggu, bisa bicara dengan pak Kurniawan ?"

"ee kurniawan sedang di luar sydney, pak, ada apa ya ?" luleh ku, campokh khingub
"atau bisa dengan pak Alamsyah ? "

"ya , saya sendiri " aku tambah mek neduh apai maksud ni sek nelpon ji

" saya dari kepolisian resort Kuningan orang tua anda sekarang ada di rumah sakit ,mereka korban kecelakaan , bisa anda datang sekarng juga " tikanjatnya, campokh ringub...,mek lupaku kok ngeluleh khepa keadaan ni manggah tan khua

Tumpak beringkos, mek keseminuhan nyak tumpaak injaan, mek ngeruruhhi semawas balak, kedugok ku tumpak lebon, di tengah rang rang . kicik angon nyak, mungapi do manggah tan khua Pak nana ji...

Setamat nyak sekula sma , nilai ku mek helau helau ga,kidang cukup nyanikol manggah, tan khua pak nana mek kecewa nyekula ko nyak, .., khen can ni nyak aga ngelajuko sekula ko ( kuliah, kidang induh.., injuk mek awa muneh nyak kek aga ngilu jama manggah tan khua, pasalni semenjak SMP nyak adu di biaya itan khua, jak mengan mid di kawai smpai kok belanja ku., ku itung itung mek keitung din yak kebaikan keluarga ni mangah jama nyak, kipak nyak secara hukum ya adu jadi anak ni tankhua, mani semenjak nyak numpaan, rik di sekula ko tian, mek sepandaian ku labat ni Pak nana ngurusko di kantokh pengadilan nyak induh khepa ceritanni "NYULAP JAK IPA ". Tikujok pas nyak kelas duo smp di kayun ko manggah ngejuko surat jama kepala sekolah , mek sengaja ku baca labat ni akte kelahiran atas namanyak , sek di luakh ko Catatan Sipil Jakarta selatan. Isini nyata ko bahwa nyak ya dodo anak kandung ni manggah tan khua..., khikhang   sek tantuni campokh meneduh.., sekaligus terharu dengan kebaikan ni manggah tan sekeluarga.

Uloh ulohan jak din yak sek aga kuliah jeno, ..

Ani hati ku nyak harus kuliah, kidang pengalu jam manggah tan khua, laju injuk aga nyepok gawi goh sambil nyak kuliah, bingi jak mansa ijazahpas "sekam " sekeluarga lagi tehabu jak mengan dibi jam pituan..sambil nunton TV...

"Mah..., Alam mau ngomong penting nih " jak Mulak nyak tingal di rang ni mangah tan jak adu di kayun ko manggah ngurau mak bak jama tan khua, kek jama kurniawan nyak khua abang, mani selisih umokh sekawa angkah telu bulanan. Mulak I injuk canggung.., kidang uleh risok di beboh beboh mangah laju nyak ti biasa"

"apaan lam, ngomong aja" ani mangah "mak angkat ku "

"Ini mah, alam rencana nya mau kerja aja, "

" enggak ..!, kamu harus kuliah, kalau alam gak mau sama siabang di Sydney gak apa apa, di sini aja kuliahnya sekalian nemeni n mama ama papa , soal biaya kamu gak usah di pikirin, mama ama papa udah nyiapin kok, jauh jauh hari ..!!!" ani mangah tegas rik kejung Bang Iwan adu 2 tahun kuliah di Sydney , paling setahun khua kali mulang tiap tahunni .

" Bener nak, enggak ada alasan kamu untuk gak kuliah Lam ..., pokoknya kamu mesti nerusi sekolah terserah yang penting di Jakarta, biar bisa nemenin Papa ma mama, " tambah ni Bak   angkat ku( pak   nana )

Nyak timbul ngehema..., mek ngedok pilehan, icak ninyak pengalu kidang malh tan muhanjung ngayun ko nyak nekhus ko sekula.., buntak cerita nyak akhirni sok tes STAN di bintaro, ani hatiku kek nyak kuliah di STAN no se lain adu mek bayakh tambah muneh lepun ni paling mawek nyak adu mansa gawi jak pemerintah.. Alham dulilah nyak kuruk , ....

Tellu tahun nyak kuliah di stan, di beli ko Bak angkat kun yak mutor pakai ku pekhulang selam nyak kuliah, , Lepa s jak stan nyak langsung penempatan di kantokh pajak daerah Istimewa Jokja, kidang induh khepa cakhani, sek tantuni di Ukhus ko bak angkat ku" pak nana " nyugok dipa ida, atau wat relasini rik kenalan ni di di departemen keuangan di, mani ya bugawi di PERURI' making ko ku lapahi tuga di JOGJa nyak adu mansa sukaht Mutasi mit Kantokh Pajak Tanoh Abang, ani mak angkat ku " ( mangah Nisa ) di ukhusko Bak angkat ku makhi dacok ngerik I tan khua di Jakarta. Akhirni khantokh lah nyak di Kantokh Pajak Tanoh abang sebagai sebagai Staf Fungsional Pemeriksa Pajak. ...golongan IIC. Secakha gaji lumayan balak unutk ukhokan ku sank pekon.

Sampai di kunningan , tumpak nyak mit Rumah Sakit Sekar Kamulyan di cigugur. Tilesoh ti kelemoh, mak tankhua bak angkatku mek kesipak putagu lagi, ani Pelisi sek piket rik sek mit TKP, mak tan khua tihalu mubilni tikuruk jurang di di jalan raya Cirebon kuningan , senangun 2 khani sek khadu mak tan khua bak angkatku aga mid kuningan menok ko harta ni bak angkatku sek wat di kuningan, maklum gawoh bak angkatku sanak hakhuk injuk nyak mek ngedok manak muakhi lagi sek dacok ngurusko hartani tamong ni di kuningan, bakni bak angkatku anak tunggal, kheno muneh bak angkatku, khia muneh Abang Kurniawaan anak ni bak angkatku.., turunan ni tian semuakhian senangun pu cutek cutek, semulani bak angkatku waktu putungga nyak,halok ya kesian uleh negis kisahku..

Khua khani sek khadu bak tan khua mak angkatku nagguh mit kuningan kidang aga singgahpai di cerebon ngehadiri anak ni kantik ni bak angkat ku nayu, kidang api sek tekhjadi adu ketentuan jak Allah, sapa ya goh, rik api ya goh mek dacok ngehalangni, .. kek adu seno keputusan ni Allah. Bisok bisok, nyak menok kondisini mak tan khua bak, maseh kuliak kimut ni mak di hantakha pudak ni sek pucat, injuk pak ya cawa ya " dang watekh lam, sekawa bak mu mek hak busesolan, kipak sekawa mati ya tekhua bang iwan mu adu mujadi jelma"... ku pusau pudak ni mak angkat ku, ku tekon culuk ni.., hantakha ni bebisok ku dilom hati ku sesiah ko jama mak..

"Mak..,terima kaseh ku mek mungkin bela jama tekhua bak, lapah do tekhua.., kekalu kam putungga di Akherat kanah" ku cium tagak ni asa ku salok luot, sek kuliak galah ni mak hamikhom, ani dokter mubil ni tijungkak bubalik, mak ti jepit di mubil ulu debah, jadi galah ni patoh.., luh ku mek dacok kutahan lagi bebisok luot nyak sambil mit kebelahni kuliak bak angkat ku pudak ni lamon katan, kena pecohan kaca.., kutekon muneh culuk ni kucium sambil nyak maeh bisok biso., .., halok wat sejam nyak tilesoh ti kelemoh, kidang gelok gelok kesadaran ku muloh, "NYak harus segera masakh ko bak tan khua .., kesian tan khua kek saka ga di ti bujokh sementara arwah ni adu ngetetunggu...., lom hati kun yak harus nepokh ko mak tan khua ji jam abang Iwan . jeno semakung nyak injaan nyak jak nelpon mid Sydney, kidang nyak kung pandai kondisini mak tan khua bak ji, mani ani pelisi sek nelpon mid lamban, mak tan khua maseh koma.....jak nelpon jam 2:an berati di sydney adu jam nom lebeh lebeh cutek khetini ya dacok nutuk penerbangan pertma tarok pai ya cakak penerbangan jam 8:an tambah perjalanan walu jam lebeh cutek, kira kira paling telat ay sampai lamaban bakda asakh......

Mawek hak nyak netetungu bang iwan, tumpak ku akuk keputusan mak tan khua bak no, ti usung mid Jakarta, makai ambulan ....adu jak tisempukhna , ampai aga ti sembahyang ko, halok sekitar jam pituan ampai ,.. bang   Iwan khatong induh mungapi bang telat.....,semula sepenok an sekawa tumpak seakhok an sambil bakhong bisok bisok miwang, injuk pak sanak ya.., gegoh injuk nyak , betih pekhih ni hati sekawa muakhi, .. ku ceritako kejadian ni jak mak tan khua lapah mid kuningan, sampai kejadian kecelakaan, sek ku pandai jak pelisi....bingi saya do mak tan khua tipasakh ko di TPU Tanah Kusir..,

Jemoh ni sekawa bang iwan khatong lout mit kubokhan, injuk jelma lulo sekawa pelimban bebisok, sampai sukhat yasin di culuk sekawa injuk pak dacok ticel ya basoh uleh nil uh.., nakhis seminggu henodo guwai sekaw bukhani khani pas jak nujuh ampai mujakhang juga sekawa napol mak/bak tan khua di TPU tanoh kusir...,

Rasani makung ko ti balos jasa ni mak/bak angkat ku no ngehurek ko sekawa khusuni nyak, jak sanak uma tikujok nyak taanno jadi jelma, di sekula ko tan khua, diukhus ko takn khua, bah ko sampai bugawipun bak angkat maseh peduli rik kahut nihan jama nyak, SK ku turun di JOGA tikujo di aleh kotan di Jakarta, heno salah satuni nunjuk ko bak angkat ku maseh aga nihan pujama sekam bubakhong, kheno muneh nyak kipak nyak anak angkat ya, kidang alah mudepak kahut ku khik hormat ku jama tan khua . tingok nyak di nana waktu putungga Bak angkat ku pertma kali, Ngerasa nihan nyak, sanak pekon, kumol, hakhuk, muneh, mek ngedok hara, minok an di masjid, sampai nyak dapok sekula sek buyun akhirni mansa gawi desk helau muneh, henno unyin ni berkat mak/bak tankhua.......tikeluh nyak asal ngingok koni,.. ratusan bahkan mungkin ribuan gelandangan di jakartaji,.. sek mem bubagian.., rasa besukurku rik terima kaseh ku jama Allah sampai nyak di tungga koni jama mak.bak angkatku mek putus putus, keno muneh dua ko jama Allah..., asak jak sembahyan, mak lupa nya ngirim kipak angkah petihah ya jama jelma jelma sek kukahuti, yadodo, MAk ku, Bak ku (kipak nyak mek pandai nginong ni), alak kua khua khua ni, mek ketinggalan setantuni mak .bak angkatku., kheno muneh kek nyak bu kekenian, selalu kubagi untuk ni jelama sek kukahuti yadodo tian nom no.

Hal;ok wat khua bulan bang iwan mek muloh muloh mid Sydney, sampai pernah kebian ya di telpon bos ni khang bugawi di Telstra Sydney

Senagun Jak semula lepun kuliah ni di   Universitas Macquare. Sydney (( keknyak mek salah ), bang Iwan sekalian nyepok guwai di Sydney ,No do ..
" biar dapet jodoh bule " ani sambil lalng tantang skswa bugurau., kidang temon nihan do, akhirni ya mansa judu jelma Australia tukhunan Kroasia.., (tanno anak ni tellu, muli unyin)

.........................................................................................####............................................................................................................

Adu adu lima bulan lebeh mak rik bak angkatku mek lagi, tantang ratong tikham ku jama tian, khasani injuk aga miwang, mekhu mekhu, kidang aga ti khepako... adu sukhattan jak ilahi, 2 kali nyak jadi sanak hakhuk, mak ngedok kebak kedau mak ngedok manak muakhi, Bang Iwan adu muloh mid Sydney autrali, ani

injuk acak hukhek di Sydney . ana nai ya adu di telpon bos ni tambah muneh ..ani sa gegoh do, mek ngedok sapa sapa kecuali nyak adek ni kipak lain adek kandung ya......., induh aga khepa nyak nahan ni makhi ya dacok   musaka juga di Jakarta, ani asak kuruk lamban ya selalu ti ingok di mak tan khua bak angkatku no., laju pesan jak ngepak empuluh khani mak tan khua bak angkatku bingi sayya bang iwan muloh mid Autrali (SYDNEY) bang iwan cawa jama nyak..,
"lam.., rasanya gak ada lagi yang perlu kita pertahan kan dari rumah ini "

"emang kenapa bang ?"

"setaip saya masuk ..batin saya perih.., ingat akan masa lalu kita dan mama papa?"

Ikin hak ku ucak ko ya pandai diwik.., kheno juga pak nyak ya.., asak mulang bugawi kuhkuk lamban.., tebayang waktu sekam maseh jejama..

"maksud abang ?"

"kita jual aja Rumah ini , trus kita beli di tempat lain, kalu perlu kita gak usah lewat lewat sini lagi"

"hantakha ni setuju rik, mawek, kidang ku angon ko temon juga..., kipak khepa yagoh lamon kenangan di lamban sinji, kek asak sekam mulang jak lalang lalang tikujok skawa timbul ngehema...., risok nihan sek kheno,

"teserah abang aja" aga ku lajuko, .." nyak mek berhak atas lamban rik harta ni mak tan khua bak angkatku, kidang skwa pernah khibut ulehni, sabah sek di kuningan,..,ani abang iwan dijuk ko ni di nyak, kidang aku nyak mek berhak, laju ya butong, jak seno mek kawa nyak aga ngebantah ni,akhirni sekawa sepakat sabah sek di kuningan di ti keni ko jama kemaman ni bang iwan jak pihak kajong ni.

Bak rik mak angkat ku Melagi sama sekali emk ninggalko wasiat, aga khepa ngebagi hakhtani, sek tantu ni kek pendapatku, nyak angkah anak angkat sama sekali mek berhak, kipak secara hukum tertulis (AKTE) nyak anak kandung ni tan khua. Kipak cutek ya nyak emk buhakhap harta ni bak tan khua mak angkatkuno, mutlak kusekhahko jam bang Iwan sebagai Pewaris tunggal, kidang injuk ani, anak ni bak tankhua mak lain angkah ya, kidang wat khua ya dodo ya khik nyak. Khijok nyak tekeluh uleh terharu nengis angkon ni rik rupa helau nihan hati ni bang iwanji, kipak nyak anak angkat ya..., jaoh nihan jak jelma di pekon ku, hua mading khisok nihan khigu uleh segaga kebun sebelah, bahko langan ni kebun, dacok nyaniko iruk, lamon cuntoh di pekon ku sek khua mading mek setaguan sampai mati mek seuyunan ulehni hakhta, khuno muneh mulani sekam di pekon di mek bukhakta, tamong sekawa udo milyan anak lain anak tuha, semula ni mek kebagian harta jak tuyuk, adu di khebut unyin uleh udo ni tamong ku,., mujokh tamong sekam kebeli di kebun kebelah khik bangunan khua, senno do sek ku bucak sekam semuakhian.

" Kita jual aja, entar kita cari rumah di pinggiran, yang penting bisa jadi 2 rumah biar kecil " ani. Nyak cunggok gawoh,

" kita nyari di daerah cinere aja, di sana tanah masih murah " ani , nyak nyunggok ko ulu ku..

Angkah pikha khani jak seno lamban di Blok M tijual jama kantik nibak angkat ku bugawi,, sekawa bang Iwan meli lamaban di daerah gandul cinere dinana maseh lamon kebun....sengaja sejkaw nyepok sai komplek makhi sekhedikan, jadi kek Abang iwan mid Luar negri nyak dacok ngukhusko lamban ni.....

Khani minggu nyak libur begawi, nyak midokh mid pasar baru, khencana ni nyak aga nyepok kamera, mani ani hatiku, injuk adu sedong do nyak kek mulang kipak sabbok ya mid khanau, cuti ku adu di acc Kepala seksi di kantokhku, khua khani lagi rencana ku nyak aga mulang, .lamon juga sek kuketikham ko di khanu, sek tantuni kehelauan, khik pemandangan ni, khisok meno gambakh di internet injuk nyinta nihan cambus di khilauni wai khanau....,

Alak adu mek lagi kala nyak kelas dua SMA, nyak pandaini ya mek lagi uleh ni Wesel sek kukirimko muloh luot mit lamban.., kipak nyak maseh sekula ya, belanja ku sek di keni mak/bak angkat ku sek selalu kupik ko di bah kasokh kekadang kek kuliak adu khua puluh khibu ku khikhim ko mid alak di khanau, kidak mawek atas nama nyak, ku sani pengirim ni UDO MILYAN, makhi alak khua kali hanjak ni, sek tantuni angkah kheno sek nyani ko alak yakin kek Udo Mil maseh hukhek..., kusani alamat ni wesel lamban ni kantik ku, di daerah kemang kidang ku beboh beboh kekmansa sukhat jak khanau, ku kayun ko ikin ti tekhima kanyin muloh mid khanau, nyak khabai kecandak, ketu tikujok kanah wat jelma khanau sek khatong bag kek lain udo mil sek di tungga i tian, sampai alak pandai alang ke huang ni hatini, heno sek ku hindari. Pesan dibi kantik ku khatong mid lamban, ngantak ko wesel sek muloh sa, menurut ya, nyacak ani tukang pos, kebak alamat sek di tuju wesel no adi mek lagi..., kuliak kheno muneh keterangan ni di kertas wesel sa, "penerima telah Meninggal dunia/ tidak di temukan"

Pecoh luot khasani hatiku.., sai sai ni puakhiku alak bebaiku, adu mek lagi muneh..., tambah hancokh khasani, tambah mek ngedok kedua badan ji.. kidang mujokh wat mak/bak angkat ku sek sabakh nihan ngewawang rik ngehehelau ko hatiku, indang nyak mawek bukhasa ga sanak hakhuk ni...,

Pekhah waktu nyak lulusan SMP sekawa mak angkatku mulang mid batu Bekhak, LIWA, di nana anak ni kmaman ni mak angkatku nayuh,. Di ukhau mak do sekawalancakh mid khanau,

"ubah ni mak tawa adu di liwa, ija acak tawa lancakh mid khanau"ani mak sa

Kidak nyak mek aga, selain nyak muliom jama alak, rik kek butungga alak kanah tantu nyak aga bebuhungan mengenai udo mil., mujokh mak ku me hak maksa ga,

Jadi ke ngangon ko tikham jama khanau lain bugawohan, ....

Adu nyak jak mutokh butokh di pasar baru nyepok kamera sek cucok, akhirni ti laju nyak mid bestmen rang ngejual kamera sekhah..,kemek salahni merk ni konika seno sek kupileh, lensani ku beliko khua sai sek kejung, sai ni buntak, mek lupa muneh nyak meli film klisi ni 5, ani hatiku, aga sepelejuan nyak kanah muto di wai khanau, setantuni, makhi mampan ko tikham ku muneh tantang kok nyak adu muloh mid jakarta.., sambil lapah nyak luakh jak bestmen sa mek senghaja nyak menok bakas sendedok di gelekh ni tuko plastik, kidang injuk ni nyak kenal jama ya, lapahnyak sambil bupikekh sapa nihan bakas sek sendedok di tuko rangku meli kamera jeno, sepintas silekh ku, bakas culuk ni lamon tato, buok ni kejung, kawai kaus alom, celana livis biru, seno sepemenok anku.., induh... injuk ni nyak nginong ya.., tantang mek sengaja mata skawa putakhup, ya juga injuk salah pemenok jama nyak.., payah nyak ngingok koni.., di pa nyak jak putungga jama ragah sek jeno.., sambil lapah maseh nyak kicik angon sapa nihan bakas sek injuk ku inong jeno begitu nyak sampai halte.....khatong jelma telu liu seiringan di gelekhku, menok jak pudakni injuk jelma ambon..., induh api sek di kicik kotian,, sepintas penengisku.., wat suara ni salah satu jak tian tellu no cawa..

"nanti kitorang hajar biar mampus si palembang itu" biar tau rasa dia..!!"

" mana dia oranganya..!" ani sai muneh..
" itu yang baju hitam " ti kesop nyak nengisni., mendadak utok ko ngeni pandai pudak ni jelma sek butato kawai alom jeno....

"ALAK!!!!"...

ya jelma kawai alom jeno gegoh jama pudak ni Alak bakasku !!!!!

Ku balik ko badan ku muloh.......,sampai nyak di Tuko Plastik kiliak Bakas Sek Injuk pudak Ni Alak ku lagi Laga Jama Ambon 3 sek pusinggekh jama nyak jeno,..Timbul binggung nyak aga khepa cara nakhu koni, jelma sek di sekeliling ni angkah nunton jak jaoh, was wis goh kuliak semurai sek di tekon ambon kawai kaus ujau , khia muneh Ragah sek ku inong jeno nyilek koni, induk jak ipa khatong ni kuliak ti kujok ya adu nekon Gerpu ,..., khua jak hadap , sai jak bukhi makai pembegol kayu ambon no aga ngebetu jak bukhi, , ku jemanohko pudak ni.. induk mungapi nyak wat keyakinan ya yadodo Udo Mil....

Aga ku tulung kidang nyak mek pandai mincak,tambah muneh nyak mek kwawa ngehadapi semurai ni ambon di...

" Panggil Polisi ...!, Cepat lapor Polisi " aku nyak ngayung ngayung, nyak khabai ketu udu Mil kena Pedang semuraini jelmasa, kidang kuliak Udo Mil Pandai Micak, induh khepa cekhitani Ambon Sek makai Kayu Jak bukhi no, Ti kujok, adu Ti kapakh sendedok di sesai, Udo Mil Kuliak Mundokh , kuinong pincakni, ya dodo.., hedi pincakni Pakwo teguh di campang di, tumbai sekam kuming khisok nunton tantang udo Miltan belajakh mincak......., di biluk koni langkahni, culuk ni bukelai, nyilek ko kayuni ambon sek jak bukhi, mak mukhepa culuk kiri ni adu nekon kayu sek di tekon ambon no, makungko bukedip mata kuliak culuk kanan ni sek nekon gerpuno adu di pagas koni di ulu hatini ambon sek nekon kayu,   tupak bucakh bacekh di khah emperan ni toko sa, lagi Udo Mil aga nyabutko lading ni jak tenai ni ambon sek tikapakh di sesai ni tuko sa, bu dewis khatong semurai jak gelekhni, bubalik ya nyungguk ko uluni sambil ngujangko ttenai ni jelama sek nekon semurai sa, asa ya ti sungguk, buputokh luot badan ni udo mil cecok numpu ko cukut sai, di cabutni ladingni, jak tenai ni jelma sek adu tikapakh di emperan tokosa,.... trus ya lumpat mundokh . kuliak culuk ni adu dukha dakheh di rahni jelma ambon jenno, jelma ambon saini, ku liakh nidang Udo Mil kidang mudah goh bagini udo nyilek koni, langkah kiri di putokh koni badan ni 90 drajat, tindangan ni ambon no mek kena, makung ko muhengas ya, ambon nekon semurai jeno khatong tumpak bduwis semuraini ilung arah bah tuotni, di undokh ko udomil cukutni, selangkah , biluk ilung kanan ya sambil bukelai, ya mundokh kidang ya adu salah langkah, mek di hari koni di bukhini sa wat kran ni pemadam kebakaran, laju ya tikekhmpat, injuk aga ti senggayak saat senno ..,ambon sek nekon semurai ngancap sambil ngibasko semuraini, udomil minggekh ilung arah sesai, ... ambon sek nindang jeno kuliakadu nekon kayu, mak mukhepa tupak di betukoni, selagi Udo Mil mundokh nyilik ko semurai, kena culuk kananni sek nekon lading tikacai, iduh ilung ipa lading ni, kuliak ya kesakikan, culuk kirini nekon pengelangan culuk kanan ni sambil mundokh mundokh, kidang adu mek dacok mundokh lagi, mani di bukhini adu sesaini toko plastiksa.., saat ya mundokh tiba tiba semuraini ambon adu ti pacok di tenai..ni.., ...., ya mulak tisungguk, maseh tihejong sambil nekon sesai ni toko sa, di cabut ko ambon sa semuraini,.. di pajek koni luot.., kuliak Udo Ml ti ti sekhkepak ... Ambon Khua no tumpak lijung ninggalko kantik ni sek di pagas Udo Mil jenno.., cengkelang tan khua, sambil ngibas ngibasko semurai induh ilung ipa, .., tumpak ku ku khatongi Udomil, no Kuliak Pudak ni tikibil nahan sakik. Nekon nenaini sek latap khah., khumpok tambah lamon ngelilingini....

" tolong... tolong dong... panggiln Bajaj!!!!! " aku sambil ngiwakko Tundun ni Udo Mil sa.., begitu khatong bajaj sa. ...di tulung wat jelma khua tumpak Ku cakak kO sekam udo Mil mid bajaj,

"nanti saya Yang Ngurus Bang , panggilin Polisi aja" aku sambil nyak mejong di gelekhni Udo Mil kuliak maseh sadar...,

"jalan Bang.... Rumah Sakit Gatot..!!!" aku

Sambil bajaj sa lapah mak nyak kheruruhini Ambon jenno halok pak adu matiya.., tingal kanah pelisi ratong ngurus koni.., ani hatiku.., sek tantuni khepa cakhani Udo mil ji dacok selamat, henno sek ku pikhekko.., mani nyak harus ngehos koni ya Udo Mil nihan Api lain.., ti lemoh ti lemoh udomil sa tikujok ya adu pinsan.., kipak angkah 10 menit mek sampai mit Rumah Sakit Gatot Subroto Jak Pasar Baru no, kidang Udo Mil keburu pinsan.., sampai di rumah sakit,.., .......tukang bajaj makung ku bayakh, ya maseh nuggu.,.Udo mil adu di sambut Kerita durong ni rumah sakit kuruk mid UGD amapi nyak muloh mid tukang Bajaj .Kubayakh Ungkosni Mak nyak ngeruruhi ni .., .., pak lamon ga ya

" bang jangan kasih tau siapa siapa , walaupun Polisi Kalau Korban ini di bawa Ke sini" aku sambil Ku bekom ko duit puluhan khibu 2 di culukni

" ya bang .. " ani sa

"sono cuci bajaj nya , tapi kalau di tanya bialng aja darah kambing atau apa kek" aku

" ya bang ,... makasih bang..., " ani sambil cunggok geluk geluk makit ko duit tengeniku...

.............................................................................................................

"Terimakasih pak" ani Muli rang rangku Ngebayakh biaya rumah sakitni, ku terangko nyak adek ni Pasien jenno

" oya.., boleh saya minta dompet Kaka saya ?, " aku

" Boleh pak, Sebentar.., " ani Muli sa sambil ya kuruk ilung lom, mek musaka jak senno, ya ngusung Plastik wat tulisannni "kamar 13D,

"ini dompet nya Korban isinya hanya beberapa lembar kertas dan sedikit uang, kalau bapak mau priksa silahkan , dan ini KTPnya" ani Mulisa sambil Nyudokhko Plastik rik KTP sa.., ku akuk ..

"bisa di Bikinkan tanda terima aja" aku

"oya bapak tingal tanda tangan disini, saya pinjam lagi KTPnya Untuk saya Photo Kopi " ani luot

Kukeni Ko KTP ku, asa nyak Butanda tangan..., ...

Adu Ku urusi Unyin Administrasini, Ku tulis gelakhku sebagi penanggung jawab, saat di luleh Dokter, aku ya korban penusukan di jalannan, dan pelakuni adu di tangkap pelisi, sengaja ku bebuhungan nyak khabai ketu pelisi ratong, laju udomil kena pasal pembunuhan muneh mani ambon sai jenno halok pak adu matiya....... mejong nyak di kersi tunggu, kubuka sambil gegokahn dumpetni, kuaku KTPni .. tetaluhan khabai salah kuhujo tulisannni...... jak KTP Kuliak Gelakhni ........MILYAN........... cakak rasah ni khahku ilung ubun ubunku, injuk setop khasa ni hengasku sentampokhan....badanku khasani injuk ngengokhan unyin........, berarti temon bakas sek dilom UGD di UDO mil...mak salah lagi.., tanggal lahir Palembang   21 Juni 1953, Alamat, Jl. Skip Ujung utan kayu Jakarta timur, RT. 07, Rw 15.... .....

Mek musaka jak senno, dokterni luakh jak UGD.., kuintip jak kaca Udo mil adu ganti kawai.., injuk ni ya adu tikanyap uleh ni ubat bius...,

"Gimana Dok abang saya ?" kululeh jama Dokter bedahni sambil hehebak an ...

" Penjahitan Abdoment nya sukses..,walau pun kami agak kesulitan karena lukanya bukan hanay luka sayat tapi juga luka tusk... Alham dulillah Sementara Aman, Korban banyak kehilangan darah beruntung cepat cepat di tangani ", Lukanya Sudah Kami Jahit, satu yang dalam yang menembus belakang beruntung tidak terkena Organ dalam yang   fatal yang yang di kiri hanyaa gores saja ., Untuk sementara beliau aman " ani Dokter sa ngejelas koni kejung rik bekhak

Nyak besukur.., mujokh maseh dacok ti tulung ,.........

Mekmusaka jak senno, ya tidurong mid Ruang ICU...,

Sebingisa Udo Mil di ICU, makung kawa nyak ngeredik ini, sai ni muneh ani dokter sampai jemoh kipak ya miyah ya ukhaugoh petugas, dangkung ti ajak ngicik...,

Jemoh ni Udo Mil ti alehko di kamar Rawat inap,

Kebianji nyak jak mulang mandi rik balin gawoh mid gandul, ngakuk bekakhaku rik sinjang, ,sinngah muneh nyak di pasakh pondok labu, meli kaniaan buah buahan, sekalian khuti untuk sanguku nunggu Udo di Rumah Sakit Gatot Subrotoji.... mata ku khasani pekhos nihan , ., jenno pagi nyak adu jak nelpon Kantokh nyawako nyak mek dacok kuruk bugawi, ku ceritako Bahwa Kakaku kuruk rumah sakit. Dan mujokh pihak kantokh memaklumi, ....

Kuanyak ko cukutku di bangku kejung di ruang tuggu kamar Rawat inap sa , Udo Mil Maseh Pedom, halok Pengaruhni Ubat jak dokter..kululeh jama dokter senangun ubat ni selalu ticampokh ubat bakhi bangik pedom, kan nyin geluk munyai...kipak ya adu tirawat khua khani kidak nyaku makung pekhnah putagu, sai ni muneh Udo Mil ji makung kasi lamon ga gerak luhot ni dokter jama nyak , lepas Asar dokter piket khatong ngontrol bakhong suster sai, di kiyauwi sustersa nyak di kersi tamu luakh.., kuliak injuk ni Udo Mil adu miah....., Tumpak Kuratongi.., Pudakni maseh pucat khepa khambak, di culukni maseh wat khua tipacok sekhok infus, adu khua kali kuliak susterni ngegantini..sai lagi di sek isini khah kuliak tinggal cutek lagi... di ganti Suster sa Infusni..,

"Janagn banyak gerak dulu ya" ani dokter sa sambil makit ko Stethoscop (alat Standar Priksa ni Dokter)

"Do......" angkah seno sek sanggup kucawako.., nyak adu mulak tikeluh nahan miwang, induh miwang hanjak, apai miwang haru campokh kesian.., sektantuni banguk ku angkah dacok nyawako seno, injuk aga kukhungguk kidang nyak binsal ketu kanah katan ti buklumbakh luot ...

" Ma..kasihhhh uuudah nolonginnn...." ani suaranni rato mek ngedok intonasi..,

Nyak ngehema..,

"Naaammaa kaamu siapaaa? "

Nyak mek sanggup lagi nhan hiwangku, tumpak bebisoknyak nekon culukni..,mek dacok kukendaliko lagi khasa dilom dadaku injuk aga meletus nahan miwang hanjak campokh watekh..

"NYAk Alam DO,..., Adek Mu, jak Khanau ....."aku...mek sambil bebisok..,nekon nyium culukni, mek ngedok jawaban jak ya.., kutengis ya cecekul..., di takhek koni culukni jak culukku, ya nekon katanni, ku angkatko pudakku, kuliak siyakhni pudakni nahan sakik.., di pedom koni matani sentampohkan injuk nahan hengas.., mekngedok sek dicawakoni.., pikha detik jak senno nyak dacok nguasai dikhiku.... bebisok ko mawek mungisok lagi, kek andah ni luh.., maseh luakh khia kutahan khia muneh pelik ni hatiku....

Nyak mejong di kersi di kebelahni khanjang ni Udo Mil, nyak maseh nahan bebisok, ..,

matani Udo Mil maseh ti pedom..basuh kuliak tukuni klupik ni matani...

"Api Kabakhni MAK tan Khua Bak, .. Manggah sihat Kudo" adu agak mulancar ya cawa...

" Alak tankhua adu mek lagi, kheno muneh Mak" aku .., injuk bekeh khasani dadaku nyawakoni...

Ya maseh ngehema , matani maseh di pedom koni..melileh luh ilung bantalni..

"Besaka Niku Jak Khanau ?...,api sek disepok dija "

" adu hampir puluh tahun do.., nyak juga minggat jak khanau mek nagguh nanguh

"Mungapi?, api sek disepok"

Laju Kucekhitako tetaluhan ... Jak Alak Meklagi sampai nyak di andanko, Keluarga mak anggatku (Manggah Nisa Almarhumumah) semanjang nyak bucekhita Udo Mil mek ngebukak ko matani, dadani kuliak regah cakak, Induh Api sek di khasakoni rik sek pikekh koni.., setantuni, semanjang nyak nyerita, luhni Udo ngehili Khepa tukhuh.........., khupani .......ya .miwang kidang di tetahanni, jadi luh ni gawoh sek luakh jak tuku ni mata ni, ...pepesan kutengis bebisokni....., asak luh ni ngehili kulap jama sampulko.., reno munehnyak, .., jadi seka wa muakhi injukpa sehehedoan ya,. Sek paling ku sesoli mungapi nyak harus butungga Udo Mil di lom Kondisi dan keaadan Injuk Kheji, kidang aga tikhepako, Inji adu sukhatan Jak Allah, jalan sinji memang harus harus sek kuliu.i..., . mek tekhasa adu jam siwa, cekhitaku ampai khadu, makung kok nyak ngeluleh api api jama ya..., dokter jaga khatong ngecek keadan ani Udo Mil,..,

"Kondisinya OK, tapi Udahan dulu Ngobrolnya,.., " biar Pasien Istirahat ani Doktersa begitu ya nyak nyntik Udo Mil, rik meriksa katan ni...

" ya dok, makasih" aku, Dokter ni luakh jak ruangan.., mek mukhepa tikujok Udo Mil adu tikanyap luot, khupani deokter jeno nyuntik ko ubat pedom halok, mungkin makhi pemulihannni lebih cepat...

Begitu ya tikanyap luot.., ku jemanoh ku dengan pastiti pudak ni.Udoji persis Alak ku Almarhum , jak mudel Ikhungni, sampai bihuumni, ilung tagakni.., melulu persis alak, Sebenokhni waktu Udo Mingat sa Umokh Ku halok paling ampai 7 api 8 tahun, jadi mek do hak mutemokh ga nyak nginongni, kidang Mujokh Muneh Cingamni Gegoh Jama Pak Balak Almarhum

Pekhulang Rumah Sakit Gatot Subroto bidang khani ,asakn nyak n khatong gusungko balinan ni, kipak bekhakha luakhni jak rumah sakit kidang bekhakha lomni perlu juga tiganti sek mukecah,..kebetulan muneh badan ni mek jawohga jak nyak balakni, jadi bekahka sekawa dapok sepakaian, Kebetulan Guwaiku DI kantokh Pajak Mek lamon ga, tambah muneh nyak adu tekhus terang jama Kasie ku di kantokh mmengenai Ukhusan kuji, Mujokh Jak Kasieku sampai Kepala Cabang ni Ngereti...., asak istirahat nyak nyilau ya.., beransur ansur kesehatanni pulih.., Katan ni adu mulak mukiang..,

"Insya Allah Jemoh nyak Ani dokter ya dacok Mulang." begitu nyak sampai dekhani sayya

Selama seminggu ji juga adu lamon sek di cerita koni jama nyak kidang, termasuk bahwa ya adu wat anak Inggom kidang Tinggal di Pandeglang khang ni Mentuhani, ani anak ni ampai sai umokh 3 tahun muli, .... paling semingu pesan kemak khua minggu pesan ya mulang nyilauni, sengaja ni ani ya mek aga ngejuk pandai anak Inggomni di Pandeglang khabai ketu tia tambah binsal, laju malah nambah guwai ni tian..ani...nyacak anai Ingom ni tumbai jak bugawai di   tanah abang nunggu toko bekara kidang semenjak ngajong adu takhu, ulehni guwaini maseh racukan laju ani mentuhani anak inggomni   henam di pandeglang goh...makhi kipak tantang ya mek ngedok guwai anak inggomni maseh dapok mengan.. Ani ya adu Khua kali ngajong kidang Bebai sek pertama di Mulang Mid Ulun tuhanni di Bima NTB

"halok ya mek ketahan hukhek sakik jama nyak " ani udo, sek di andan koni taano Inggom Ke khuani, kebetulan muneh Inggom Pertama ni kung mansa ketuwahan, kidapk tan khua adu khua tahun sekajongan... sampai Kaka Sek pertama sa Muloh Mid bima, halok 3 tahun ya jadi Duda.., sampai Butungga Kaka sek di pandeglang di.. semanjang ya bucekhita jama nyak, pak cutikya mek pernah ya nyeritako guwaini, sampai ya nakhis celaka laga jama Ambon di pasar Barudi..

Pepesan Pernah kululeh jama ya, api penyepok anni, khik api hal bang ya khibut jam ambon
"Api ya goh guwai di Jakarta ji lam, Asak Ngeratong ko Duwit, henno Pancini kham mukahut jama Anak Inggom "ani, mek pernah ya ngaku api guwaini semnjak di Jakarta...kidang tagan kanah suatau saat nyak pandai diwik.., ani hatiku, setanutni Niatan ku adu sampai nyak dacok butunggfa jama Udo Mil kipak dilom Kondisi injuk kheji...arhasil kek Nengis jak ceritani injukni lurus lurus gawoh perjalanan hukhekkni Udo Milji .

Kebianji nyak rencana ni ya luakh jak RS, Insya Allah Dibi kanah nunggu control jak jam duo kanah.., Sambil nunggu Dokter Control sa khatong.., adu jak ngicik mak kesiwan siwan, ya bukisoh injak lemon ni nyak hema., sesekali gawoh nyak ngeluleh .., adu kulunasi Unyin Biaya ni rumah sakitni, .. ya adu dacok lapah kipak maseh sunguk sungguk ya..., sekawa luakh jak rumah sakit.., nungu taksi.,adu jak kukicik ko skawa , Udo Mil Henampai Di Gandul Kahang ku, kanah kek adu sihat nihan ampai kuantakko mid pandeglang sekalian seinong inongan jama Kaka,............Kebetulan muneh taksi mek ngedok sek ngetem tepaksa sekawa seikhingan ilung babatan luakh jak khang parkir rumah sakit sa...,....cecok sekawa di trotoar nunggu taksi sek liu.., sai khua kukelap ko culuk ku mek ngedok taksi sek aga stop, kebetulan kebianji khani senin jadi halok taksi taksi ji latap unyin, pikekhku.., babatan mawek hak macet., jadi mubil mutor liu pu kebut kebut.., Udo mil mejong di halte kebetulan halteno angkah wat bebai sai selain skawa, .....,

"Do..nyak meli wai pai sabbok , mahu nihan khasani" aku sambil kupik ko tas balunan ni udo di kebelahni

"yu.. dang saka ga.., " ani sambil mejong sendedok di akhini halte sa

"Yu ana meli sebekang no do, sek wat warung " aku sambil nyak jembekhang

Ampai... goh ku buka wai tembeliku, makkung ko ku hikhup........., .., kuliak wat jelma bumutor RX King   takhu di Halte di Khaang ni udo kutingal ko jenno,   keliak an ni mek matiko mesinni, mek muneh ngebuka ko Helm,.., sek bunceng tikujok tukhun.., nguntaikao Semurai..........UDO MIL..!!!!!.., Ti kesop nyak lain ..kek..????? .. cengkelang nyak jembekhang , khia muneh mubil pukebut kebut.., jadi susah muneh nyak jembekhang sa.., Mubil   PPD   gandeng kejung   liu......, mek keliakan uleh ku Halte khang ni Udo., lepun mubil sa liu kuliak Mutor RX sa ngebut lijung.., bebai sek di halte jeno ngayung ngayung ti tulung tulung..., begitu wat kesempatan liu hantakha ni mubil nyak ......tumpak lumpat cengkelangnyak nyembekhang..,duli do kipak di Tin..tin Ko mubil ya .....Nyak Tikelemoh..., ............Udomil adu ti kekhepak di halte mandi khah isauni luakh...injuk pak kena khuting ya..., geluk nihan ....sai khua mutor rik khumpok adu mulak kumpul ..,di halte sa.., ku iwak ko uluni Udo Mil, ku tekon penggelanganni maseh wat kidang alus nihan .., di buka koni matani.., maseh khukhek..!!! menukhutku inji keajaiban

"Laaaam...... kkkek .... nyakkk..... mati iii.....u..uusung ...nyak ....Mid khanau..., kubokh ko nyak di kebelahnii.....i..... Mak.... Rik... b..bbbakkkk......."

"Awek Do.., Rumah sakit mukhedik, niku pasti selamat " aku.. sambil tambah khedok nyak nekon penggelangan ni , nyak tambah hehabakan , khibuan pikikhan ku nyeluokh mid dipa ipa, mek sek kubayangko khepa cakhani makhi udo ji dacok selamat

" I....ii.i...ikin.... Lam, ..., usungnyak mulang mid khanau goh.., buka... ssalon di Kontrakan ku di.., pakai mu nyiwo ambulan.." suarani ti lemoh tilemoh....rik putus putus injuk ni ya maksa ko diri cawa jama nyak

" I..kh..lass ko.. nyakkk .....kkippaaak.. nyaak ma maatii ..nyyak ..meek..nyeesooll, kkidaaaangg..tulluuung. ......Aaandan....kkko ..... Nakan .......mu..riiiiik...........ka....kamu.." .sakha nihan ya nyelesaiko cawani......mataku tikeluh...jabokh luot isini dadakuji...nyak pandai Denyut nadini lelebonnan, dilom itungan detik...

"Laaailahhaillallah.., Muhammadurrosullallah...." aku nuntunya..,....

"Laaaaa..illaaaa hhhh   haaaill....."denyut di culukni lebon.., matani tipedak.., ku usap ko culuk ku di matani, ya tilikut..... .........Kok sahadatni kung kok lepun.......Khupani Keajaiban ni bela, waktu ni adu samapi , dijuk tuhan Kesempatan ya nyampaiko amanat gawoh jama nyak......

"Do.....Udooooo...!!!!!" ..........hantakha ni kutengis rumpok di hadapku mejong ngejunjomi udo ngebaca "Innalilahiwainnailaihi rojiun............"khiau bacau ni halte sa mek ketenhgisan di nyak, duli di ucak ko tan cengeng api banci, nyak mekhu muwang, sesolku tibalak jak wai khanau mungapi bang kutinggal ko meli wai Udo dihalte.. kek nyak mek meliwai tantu paling mawek nyak dacok ngayung nulung udo kipak nyak ya sek celaka.....mek kekhasa lagi dinyak badan ji, injuk nyak aga butong Jama Tuhan, mungapi bang hukhek ku injuk kheji, .. ampai wat siwa khani nyak putungga jama Udo, hak adu di akukni...,

Mek takhu nyak ngerungguk i jasad ni Udo sa samapi wat culuk sek nekon layangku, ngiwakko badanku..di kahndan tan nyak ilung Rumah sakit luot, Udo kuliak adu di kitai Kerita durong jak Rumah sakit, sek halok anggkah 100 miter di bukhini Halte...

"Ya Allah Api salah ku ya Allah...!!!!!, Api Dusaku ya Allah..!!!!! ... selalu jelma jelma sek ku kahutko ninggal ko nyak.., mek takhu takhu cubaan ji di timpa ko lawan nyak........, tanno adu bella , mek ngedok lagi manak muakhiku.. di dunia ji.., ...Ya Allah.., ngapi mek Kepalangan goh.., Patiko juga kokk nyak,...makhi lepun unyin Cubaan muji..." ,Bubatui nyak di lom hati sambil sekhdedok an nahan indang mekhu mekhu miwang........." nutuk ko balak ni hati injuk pak nyak aga takhu ya nyak Sembahyang rik budua jama Tuhan......api gunaku sembahyang, budua tiap khani makhi di baleh koni nasib, di tunga koni jama Udo, gilekhan butungga, bukhanggut muneh YA ngakukni. ........"Ya Allah Api hagamu.. ya Allah..."

............................................................................................bersambung .............. .............. .............. ..............

Ayu Zulaika, bebai setengah baya paling hibat 38 tahun kidang keliak anni injuk ngurani, , buok ni adu wat sai khua sek muhandak, kidang khisok geguini" Khatu" nyabut tini, maseh injuk 15 tahun sek khadu, maseh mubangik menokni, kipak mak lagi hak mungura, langgarkhni mak lebeh jak gegoh injuk nyak, mek mugemuk kidak adu nganak muli khuaya, tantang tian telu lapah bakhong bangik nihan menokni, .. kinjukpak sepapahan yan tian telu manak, halok senangun adu putongan badanni semulani ya mak injuk mak mak bakheh, khisok pai ampaingank sai injuk pai adu ngumpu ya... ALhamdulilah.., bagian jak khejeki ku sek paling kusukuri dilom hukhek ku menok khatu rik adek ni, tambah lagi busyukurnya mneok mak ni muli khua ji.. ya ..Ayu Zulaika ingggom ku.., kipak mak pekhnah ya injuk bebeai bebai kantik kantikni, khajin fitnes, mid salon, body langue, bahko kok mid Mall goh ya mujarang, kidang bentuk badanni masek padok rik ramping, buokni mek kejung ga, angkah antak layang, tumbai jak di kejung koni, kidang uleh khisok nutuknyak mid undangan undangan acarani Bos Bos laju wat pesan dekhani mulang sekawa jak undangan ni Salah satu Pejabat PLN ani jama nyak aga melok buok injuk Ibu Ibu sebakheh, ku ya ko gawaoh, mulak jak senno do buokni selalu bunting saman laying, kipak asak ya luakh jak lamban mak lupa makai Jilbab, kidang ku pepenok Padek juga ya buok saman layang , jujun kek ya lagi bukawai pedom di kamar pedom, lampu sesediap .. betik sikop rik cindoni Inggom kuji......

Kruwas kruwis goh kuliak culukni netohi khetak sakhung, unjuk adu ahli nihan, kek geguwaian di dapokh, mak selulah kipak buka ya api bulan puasa injuk kheji jak tumabi jebi sekam semanakaan mak pekhanh bu pembantu, pekknah ku cawakao jama ya kidang ani ikin goh, ubah nimak yak mek bugawi di lamban jido, khik makhi yaw at kegiatan muneh, jujunke injuk tanno Khatu adu muli, tambah muneh ANA adu muli khenik, tambah mangi ya dilamban apilagi kek mengedok guwai ..

Adu jak di pepelokni Khetak sangung di anggau ni muneh Blender krusak krasik goh ya bumasak, padahal ampai jam 4pak dibi, maseh tangeh aga pembukaan, kidang injuk busingkut nihan ya bumasak, ..., setantu jak jam tigo jeno kuliak gudekh punti nipah adu betik khumni di belanga , di adu jak kuanju menokni, Allah Ibau ni bangik nihan,...

Kecik angon nyak mejong di Mija mengan di dapokh sambil nuntok tipi, kidang angon angon ku jaoh induh dipa, tingoknya pak belas tahun sek khadu......

Menengah Utan kayu di Ku lapahi Nyepok Alamat ni Udo MILYAN Almarhum.. mudal Gelakh rik Profesini Udo Mil Mak mudah nyepok I alamat ni, Akhirni butungga juga .

Kuruk jak kebelah ni rel nyesekh jak lampai kenik.., laju ilung kanan asa biluk ilung kanan luot.., kebelah ni masjid . di hadapni wat batang mangga, mudel ni injuk bedeng wat telu pitak/ telu pintu.,

Adu ku ceritako kejadian akan hal mek lagini Udo Milyan, kidang kuceritako jama kebak kontrakan Udo kena tumbor mubil, bakas kebak ni kontrakan no percaya gawoh, sai ni muneh mek ngedok urusan ni akan sapa sek aga ngontrak di lamban ni sek penting mansa duit. Bakas gileh, balak tenai, jelma jawa timur, matani muhalom kebelah, induh jak kena api..,
" oya dik.. Ini konci serapnya ada di saya, tapi terus terang aja, Kontrakan Si MIlyan Ini udah Nunggak 2 bulan " ani.. mek ngedok ekspresi rik kesian ni kipak sek kuceritakoya tentang kecadangan..,
" gak masalah pak.. soal tunggakannya nanti saya bayar, mohon maaf jika selama kakak saya ngontrak disini banyak berbuat kesalahan, " aku muneh

Oya .. ndak apa pa, udah di maafkan semoga amal ibadah beliau di terima sama sang pencipta" ani bakas sa ngehehelau ko kicik ..

Di antak koni nyak di rangok kontrakan sek numor telu, di ujung nihan, kuliak gulung gemalaini lumayan kecah, halok tetangga kiri kanan sek nyapu ini, kebetulan nyak ratong sa angkah wat tetangga sek paling pangkal, di penok ni nyak jak ulu sampai uncuk ni cukut, halok injuk di inongi, sebenokhni nyak rik Udo Milyan Alrm mirip nihan , nyak ikhung, pudak, buok, angkah mata sekawa sek ngebedakoni, rik Umokh, jadi ke sekawa ti abnjakh ko, dilom umokh sek gegoh kek rumpok kung pandai nihan pasti do nyangko sekwa kembar, tepuhal sekawa muakhi bak. Halok senangun Gen ni Jak pihak bakas atau tamong ku sengangun Dominan di ipa ipa...

Ku bukakko rangok..., tumpak budebos hangkap ibau hawa ., ku bukako rangok sentampokhan, kung nyak kuruk.., halok adu khua menit amapinyak kuruk,..., ruangan mak lebeh jak 2 M X 2 M inji ruang tamuni..,sek pertama ku penok semula kuruk, tife ni mubil.., rik salon balak khua, ti pik di tuku.., lajunya mid ruang kedua.., mak lebeh gegoh balakni kasohk busa hamper kipet tilujek mek tigulung di lantai, gerubuk khenik mak lebeh jak 60C M X 1.25M adu muhudap, warna coklat ., bantal maseh tikekhepak, . laju nyak mid dapok ruangan terakhir, mek ngedok api api, angkah kumpor rik belanga, wat cipekh kulakaan dilom cintang plastic.,di redik kamarmandi wat imber ngisi bekara kamak., kubukako kamrmandi., way ni adu muhalaom halaok uuleh +adu saka mek tipakai..kurilongko pudak ku ilung tuku sai..kuliak kardus ni Indomi tipik di khedik kumpor kubuka bang isini minyak kelapa, gula ri induh api api dilom gelok jak plastik, di kebnelahni gerijen minyak tanoh di kehdik cintang kuliak karung khenik ngisi bias, ku huyako, khum nihan khupani bias ampai nahun, tantu jak mentuhani, di Banten peranh pepesan ya ngebintakoni kek mentuhani nyabah di Banten di..ngingok senno busingkut nyak mid lempunggak

Bukukakh nyak.., mek kuhalu alamatni api tulisan kipak cutek ya nandako alamatni mentuhani Udomil Di banten making kuhalu..!!!........, ku jemoanohko, wat Futo ni bebai mampam sanak umokh paling 2 tahun, di ginduti Udo mil jak kiri, .. ku akuk Futo sa jak atas salaon.., kujemanoh ko.., Tantu sinji kaka, khik nakan, " teduh ku lom hati., kubalik ko putosa, wat tulisan kidang lain Alamat anagkah wat tulisana januari 1996, ku kukakhi lemari khenik jeno., kuhalu di rak paling bah tas suluh terang, wat tulisan ni., Milayan Ranau, ti bedekang makai spidol alaom. Tumpak kuakuk,.. kupusun bekakhani sek wat di lemarini, sa, pas nyak muatko bekakha di lom tas sa, tiak jak lom balunanni buku kheni, ku jemanohko, bangkek Surat nikah ni Udo Mil.., kubuka, Mujokh nihan wat alamt sek ngeluakhko surat nikah saw at alamatni lengkap ni Wali , Mutetok hatiku, paling mawek nyak dacok nyepok ini mudal alamat seno.

Kadu kupusun unyin bekaha, dilom tas.., sanengun mek muneh lamon ga, sepa sepa sek mek dacok ku usung injuk isini dapokh jak bias minyak mupor, sampai rinso ku keniko jama tetangga ni udo mil, arhasil sek kususung anagkah tife , salon sepasang, rik tas ngisi balunan, mujokh muneh di tulungi kedau ni kontrakan nya ngususng baba sa, di tulung ni ung rang laya, jak isan nyak cakak taksi kemek slahni " Presiden Taksi. Warna kunjekh " Meluncur mek tikena macet .., kedugoknyak ulehni miosni Ac ni taksi sa., tikujok di gurah superni adu di gandul.., adu mukhedik di lamban, khupani pas injakan jeno angkah ku ucakko Gandul gawoh, mek kucak ko alamt lengkapni.., sampai lamban kupik ko di kamar tengah babanku, mid kamar hadapnyak ngelajuko kedugok ku.., miah miah adu magrib.., biasani khani minggu nyak napol kantik muli sai khang khang bugawi di pejompongan , kidang kebianji mawek, kantik bangik nihan nyak pedom mek injuuk pikha pikha minggu sek khadu nakhis asak tikanyak nyak buhanipi Udomil cawa cawa kidang mek kuteduh apisek di cawakoni, khisokpak tengah bingi nyak minjak uleh ni hanipi sa, kek adu kheno nyak tinggal kicik angon, ngakuk penyulu, sembahyang tahajud, kukirim jak UdoMil, Mak/Bak, Mangah Nisa rik Panggah, samapiAlak tankhua kipak anagkah patihah ya.. , nakhis tiap bingi asak pedom nyak ngehanipiko Udo Mil, Halok Ulehni adu ku gawiko salah satu Amanatni , mulani nyak pedom pesan sinji mubangik rik mek ngehanipiko ya.lagi. kekalau adu mutetok hPak Batini di lom Kubokh ni.. amin..

Adu 3 minggu sek khadu Udo mil ti Usung mid khanau, nutuk Ambulan Jak RS gatot Subroto, sampi khanau terasa lamabat nihan kipak ya Ambulan sa betik kebut ni, Dibi saya kebianni Udo Mil di pagas tian sampai mati, begitu udo mil di usung petugas Rmn mid kamar mayat, di khandan bapak bapak nyak jak halte ilung RS, mak kujemanohko bang kek sek nge randannyak sa Ustad sekaligus Dokter Di RS gatotno, sambil ya ngerandan nyak sa di sesiahkoni, Istifar ..dek.,.. Istifar, ...Ambil hikmahnya, ini sudah janji Beliu sama sang pencipta, justru sesungguhnya jika di di panggil duluan itulah hanay demi kebaikan Adek, dirinya dan tetu semua yang terkait.., dan yakinlah kamu pasti bisa melewPak Batinya.., skarang Udah waktunya asar, biarkan jasad beliau di Urus sama rumah sakit, mari kita sholat asar dulu biar adek lebeh tenang...lepas asar nyak mansa siraman rohani betik kejung ni..Tetaluhan Akhirni nyak dapok nerima kematian ni Udo Mil, Semangat ku adu muloh, Keyakinan ku JAma Tuhan MAlah semakin betambah, Mani Unyin ni apiya goh sek terjadi Jama Sapa ya rik api yagoh, pasti adu keputusan Ni Allah Sek terbaik, dan Pastini Unyin ni No Wat Pesan, Wat Satu Pelajaran sek terselip di setiap kejadian sek kham liu i., sai lagi Batas kemampuan ku nahan kepedehan hukhek khususni di tinggalko jelma jelma sek kukahuti adu ngelebehi jak sapa ya goh di dunia ji. Mulak jak jadi yatim, laju mid jadi hakhuk, tiliui mati manak muakhi, di tambah muneh di tinggal mati mak/bak angkat, sek terakhir di tinggal mati uleh Udo Mil . khasanai adu lengkap nihan, titik terendah kemampuan Manuasia nahan kepedehan adu jak kuliui.., tanno seharusni rik semestini nyak lebih, tegar, lebeh dewasa , memahami setiap kejadia jama hukhekku pasti wat balehni...

Lepas magrib Ambulan Injakan.., isini sekam 3 riktambah jasadni Udo Milyan, semula injkaan nyak ngebaca yasin, lepun baca yasin nyak buzikir, kubaca api ya goh sek nyak pandai, mak lebeh tujuan ni ketu makhi nnyak rik udoMil bebakhong mansa kehelauan nasib baik nyak dinuia maupun Udo Mil Di akherat..., ambulan bejalan lancer, mukhedik liwa ambulan mek dacok kebutga, selain khangkhang ni injuk nyak injkaan pikha belas tahun sek khadu, malah tamabh cadang, tambah muneh tekhai khekhicik, dipa khang khang ni maseh sempit, rik limuk, .., Lepas jak liwa liwat subuh nyak adu ngerasa di khanau, khumni   imbau Ibun pagi tambah nyapokh tenyokh ko perasaan hatiku, di sai sisi nyak senang akhirni nyak mulang mid khanau kipak dilom suasana lain, di sisi lain khepa do "kawat sek kukirim jak Jakarta nimbi dibi , adu sampai kudo di khanau,... kek adu sampai khepado persiapanni tian di khanau khussuni Pak Batin Min tian, mak selulah.. nyak juga kek mek nginok ko amanatni Udo Mil semakung bu lepas agapak nyak ya ti kubokh di Jakarta di do, kidang nyak harus nurutko amanatn terakhirni ngilu kubikh di keblahni Kubokhan Alak tan khua. Khik mek kebayang dinyak tanggapanni jelma seng pekon ti kujok skawa Udo Mil Mulang kipak Udo dilom keadaan adu mujadi mayat. Induh maseh di ingok kotian sekawa muakhiji mawek, .... Angkah sai tujuan kawatku nimbi yadodod Pak bPak Batin Min., lamban senno sek jadi tujuan ni Ambulanji, mani mungkin tinggal senno sepemandaianku sek dacok titumpangi, rik sebagai kepala adat Kampung sekam...

Tikhedik di khanau hatiku lain tambah tenang, helauni pemandangan pagi hayu dipa matakhani luakh jak tukuni seminung , ngison ni pagi saya malah namabah mek kesiwan khasani hatiku, Ku pukatko api yagoh sek terjadi harus kuhadapi khik nyak PASTI DACOK NGELIUINI" Heno pukatku..Pemandangan jak Filla adalah salah satu sek favorit ku, jak tumbai, kek jak warkuk, induh midohk atau nutuk alak jak ipa ipa kek liu Filla di bahni gunung raya pemandangan sek Paling helau bagiku, jak udi keliakaan biru wai khanau , gunung seminung cecok injuk pak kebakni khanau.. keliakaan unyin, sabah atakh ni tian wakruk healu injukpak lukisan ya, api lagi tntang sabah lagi kemunjekh, ampun.. betik helauni.., pukok ni sememanjang wai khanau keliakaan unyin, tambah muneh tanjung tejang panjak nihan.., Sempurna nihan Pemandangan jak cukutni Gunung Khayaji.., kidang pesan sinji mek lukisan kan helau senno mek dacok kunikmati mek dapok nyenangko hatiku....unjak lemon ni watekh jak sedih ku, khbainyak ketu Pak Batin Min tan kung pandai Kabakh duka sinji.., aga khepa do nyak butingkah kanah, kesian Udo Ji kek hakhus ti kubokh jemoh..,...,di lom hatiku, Kekalau Kawat sek kukirim nimbi sesuai rik rencana dan tujuan ni...

Pak Ustad skelaigus Dokter sek Helau nihan Angkon ni jama nyak, Di ukhus koni kawatku , uleh ni nyak mek pandai aga khepa cara em bekhtahu tian khanau, telpon kung ngedok, , surat paling mawek perlu seminggu ampai sampai, kipak ti suntik ubat pengawet ya kek mayat ni udo Milji ti tunggu tantu mek mehelau bagi ni, kesian ga...Arhasil nyak buwakhah jam Pak Ustad /sekaligus Dokter RSUD no. ana d o ya.., ki wat usaha wat juga ulehni rik butungga jalan keluarni., di kayun ko pak ustad san yak nulis alamat rik tujuan berita ni uleh akhirni Atas bantuan ni Pak Ustadasa singkat cerita prosesni injuk kheji : Pihak Rumah Sakit Menelpon dan mengabarkan Berita Duka ke

ke POLDA Palembang, nanti dari Polda Palembang menelpon Ke Baturaja , Kepolisian Batu raja melalui Radio Frekuensi tinggi Menyampaikan Kawat KE Kepolisian Ranau. Dan yang terakhir kepolisoan ranau menyampaikan Berita ke Alamat yang di maksud"

......................................................................................................................................................
Simpang tiliui..., tikujok adu tanjung setia.., gedung.. padang khatu merbakal...dibilukan ilung tanjung sakhi...ku inong Salah satu kantik ku sempekon DIM. ngekekelapko culuk,... mubil takhu..,

Ampaigoh ya aga ngeluleh jama super ni Ambulan sa, di liak ni nyak.., ...

"Subhanallaoh.. !!, Alamsayh ....! Ani Dim sa sambil nyalami nyak

" Payu do Udi Di pekon adu siap unyin.., kakhi koni, kek adu jak ti sempukhnako di liba " Tumpak di ingkol ni Mutor ya lapah mena

Ani Dim

, khang khang adu agak mu helau paling mawek adu bubatu, kipak ya making unyin, kebetulan muneh, mubil ambulan sa ngebut sambil ngebunyiko serineni., ...tikujok adu

di hadapan ni lamban ni Pak Batin Min. Begitu Mubil takhu.., kiri kanan ku jak mulak ku tengis bebisok, bebisok.., tumpak di angkat ko tan khekahmikan Jasad ni udo Mil., Sai sai.. manak Muakhi sek wat disan sa, nyalaminyak, wat muneh sek ngebelikok nanda ko tian turut prihatin.., Andai situasi sinji lain dilom kecadangan .Tantu mati senang ni hatiku.., butahun tahun mek butungga jelma khanau, butahun tahun ngerasakao ankon ni manak muakhi kipak lain hak puakhi sekelik sa.., mak ngedok sek dacok ku ucak ko asak ani manak muakhi sa

" lam.. tabah yu...." Iya makwa., iya makcek.., terimkaseh pakngah, terimkaseh udo, arhasil Alahamdulillah sebagian sek khatong sa lamon sek dacok ku inong rik bu tutokh.... Lom Hatiku Besukur nihan, angkon ni manak muakhi nyambut Kecadangan inji...

tantang manak muakhi ngeluleh api penyebabni Udomil Mek lagi Ku ucak ko kena tumbor mubil. , lagi juga tian ek mungkin ngebuka buluni lagi., tagan nyak bebuhungan sek penting di mata ni tian Udo Mil ji jelma buyun,. Ani hati ku

Kipak tumpak an sekam di lamban ni Pak batin Min kidang Mayat ni Udo Mil Sebenokhni adu jak ti sempukhnako, di RSUD Gatot Subroto nimbi , jadi tinggal nyembahyang koni di mesjid di pekon..,

Lepas luhokh Udo ti pasakh ko , persis di kebelahni alak tan khua, sesuai jama amanat ni,..adu lebakh unyin tingga nyak, pak batin , khik dim sek di makam sa.., kugawangi ku kecahi kubokhan ni jak bak, mak, alak, bakas kek kubokhan ni alam bebai senagun maseh mukecah, halok jak di gawangi api mukisal di ilil ilik tian sek ngantak ko jasad jeno.., ku pulimban sekam telu pak batin ngebaca yasinrik tahlil dan tahmid di kubokhan ni jelma jelma sek ku kahuti..., adu lepas asakh ampai sekam telu mulang , kebetulan Dim ngusung mutor jadi sekam telu sa bumutor jak Pulau sa ilung pekon ....

Sambil datas mutor sa.....

-------------------------------------------------------------------------------------------

" Hayo..! bengong aja.., terkesima ya liatin mama.ya...! " Tiya ngehanja nyak jak bukhi..,

" ah... tiya bisa aja.." baru pulang sayang..?.., gimana Pesantren kilatnya ? Wo khatunya mana? "aku sesilom ngebiluko kician..

" Wo lagi nyuci motornya.., entar juga nongol.., no dia

" lancar pa.., tapi bosan.., seharian Cuma duduk duduk doang.., mana laper lagii, " ani sambil nyium culuk ku..

" ya namanya juga Pesanteren.., tapi Asyikan bisa ngerumpi seharian.." nimbal mak ni sambil ngekekureh induh api di api di belanga..

" Ngrumpi emangnya mama" ani sambil Tiya ngeredik imak ni..

" wuiehhhh.. Enak ni baunya.., wangi amat bikin apa an mah ?' ani tiya

" biasa Pavorit papa mu ..Gudekh...pisang kapok.."

" Asyik..., yang banayk ya.. itukan Pavorit tiya juga"...,

" Tiya ganti baju dulu abis itu bantuin mama"

" Ok deh nyonya" ani tiya ngegurau ko mak ni.., ngimutnya menok tan khua manak...

dilom hatiku.."

" kok gak ada suara motonya WO ?.. luleh ku begitu anak muli ku kuruk mid dapokh..

" Iya pa... motornya di tingal di cucian , abis udah mau buka.." jadi wo pulang ja dulu.., ani Khatu sambil nyim culuk ku......

Inji do Fase kehidupan ku Sumula jak 15 tahun matini Udo Mil , .....14 tahun sekhadu .. seakan akan burubah 180 drajat, bubalik nihan.., Induh sampai kapan tuhan ngeninya kebahagian injuk kheji.......

Dug...Dug...Dug...Mek terasa bulan puasa tahun inji adu kuruk khani ke 9.....Sekam semanaan Pembukaan pai..

Dropdown

marquee

NYANSAT

Tidak ada komentar:

Posting Komentar